जीवन दीप संस्थेच्या खर्डी महाविद्यालयात प्राथमिक आरोग्य केंद्राच्या सहकार्याने जागतिक महिला दिनानिमित्त महिला व महाविद्यालयातील विद्यार्थिनींसाठी आरोग्य तपासणी शिबिराचे आयोजन करण्यात आले. या शिबिरामध्ये खर्डी महाविद्यालय व परिसरातील आदिवासी तसेच दुर्गम भागातील सुमारे २०० महिला व विद्यार्थिनींची हिमोग्लोबिन तपासणी करण्यात आली. यात ७०% महिला व मुलींमध्ये हिमोग्लोबिनचे प्रमाण कमी आढळून आले. हिमोग्लोबिन कमी असणाऱ्या महिला आणि मुलींसाठी आरोग्य केंद्रातर्फे मोफत औषधे देण्यात आली. प्राथमिक आरोग्य केंद्राचे डॉ. सत्यवान पाखरे व आरोग्यसेविका पूनम महाजन यांनी फास्ट फूड शरीरास हानिकारक असून घरचा सकस आहार हेच निरोगी आरोग्याचे सूत्र आहे, असे मार्गदर्शन महिला व विद्यार्थिनींना केले. संस्थेचे अध्यक्ष रवींद्र घोडविंदे, प्राचार्य पी. डी. पाटील तसेच महाविद्यालयातील प्रा. योगिता शिंदे, वैशाली मगर, दीपाली धात्रक, मीना बेकर, सुषमा पाल या शिबिरासाठी उपस्थित होते.