तोतया तिकीट तपासणीस अटकेत  

दिवा रेल्वे स्थानकात फलाट क्रमांक एकवर सलीम हा प्रवाशांना तिकिटाबाबत विचारत होता. मात्र, प्रवाशांना सलीमवर संशय आल्याने त्यांनी सलीमकडून ओळखपत्राची मागणी केली. त्यावेळी तो व्यवस्थित उत्तरे देत नव्हता. यादरम्यान त्याने तिथून पळ काढण्याचा प्रयत्न केला. मात्र, रेल्वे सुरक्षा दलाच्या कर्मचाऱ्यांनी त्याला ताब्यात घेतले. त्याची कसून चौकशी केली असता त्याने गुन्ह्य़ाची कबुली दिली. याप्रकरणी सलीमविरोधात गुन्हा दाखल करण्यात आला असून पथकाने त्याला अटक केली आहे.