मध्य रेल्वेच्या खडवली ते टिटवाळा रेल्वे स्थानका दरम्यान ओव्हर हेड वायरला विद्युत वाहक तारांजवळ असलेली ताडपत्री चिकटल्याने मध्य रेल्वेची कल्याणकडून कसाराकडे जाणारी वाहतूक विस्कळीत झाली आहे. गेल्या अर्धा तासाहून अधिक वेळ अप आणि डाऊन मार्गावरची वाहतूक प्रभावित झाली आहे. मेलच्या डब्याला बांधलेली एक ताडपत्री उडून ती ओव्हर हेड वायरला चिकटली असल्याची माहिती समोर येत आहे. यामुळे कसारा ते मुंबई आणि कल्याण ते कसारा या मार्गावर वाहतूक विस्कळीत झाली आहे.