ठाणे : राज्यात शिवसैनिकांना त्रास देण्याचे, त्यांच्या घरादारावर नांगर फिरविण्याचे आणि त्यांच्यावर खोट्या केसेस टाकण्याचे काम सुरू आहे. त्यामुळे जे स्वत:ला धर्मवीर आनंद दिघे यांचे खरे, सच्चे शिवसैनिक म्हणवून घेतात, ते सच्चे शिवसैनिक असूच शकत नाही. जनता आणि आनंद दिघे हेच गद्दारांना त्यांची जागा दाखवतील, अशी टीका शिवसेना उद्धव बाळासाहेब ठाकरे गटाचे खासदार राजन विचारे यांनी शिंदे गटावर केली.

शिवसेनेचे दिवंगत ठाणे जिल्हा प्रमुख आनंद दिघे यांची जयंती शनिवारी शहरात सर्वत्र साजरी करण्यात आली. दिघे यांच्या जयंतीनिमित्ताने ठाकरे गटाचे खासदार राजन विचारे, जिल्हाप्रमुख केदार दिघे यांच्यासह कार्यकर्त्यांनी शनिवारी खारकर आळी येथील शक्तीस्थळ येथे जाऊन दिघे यांच्या समाधीचे दर्शन घेतले. तसेच टेंभी नाका येथील दिघे यांच्या पुतळ्यास पुष्पहार अर्पण करून त्यांनी ‘आनंद दिघे अमर रहे’ च्या घोषणा दिल्या. यानिमित्ताने ठाकरे गटाने टेंभी नाका आणि शक्तीस्थळावर शक्ती प्रदर्शन करण्याचाही प्रयत्न केला.

wardha lok sabha seat, MP ramdas tadas , MP ramdas tadas s Son Pankaj Tadas, Pankaj Tadas defend his side, over Estranged Wife Pooja s Dispute, sushma andhare, pooja tadas, bjp, maha vikas aghadi, wardh politics, politics news
“सुषमा अंधारे यांनी माझी बाजू ऐकली असती तर विरोधात बोलल्या नसत्या,” पंकज तडस यांची प्रतिक्रिया; म्हणाले…
AAP MP Sanjay Singh
“केजरीवालांचा तुरुंगात छळ होतोय”, आप खासदार संजय सिंहांचा आरोप; म्हणाले, “त्यांच्या पत्नीलाही…”
sharad pawar
धमक्यांना घाबरू नका, ‘त्यांना’ दुरुस्त करण्याची वेळ; शरद पवार यांचे अजित पवारांना थेट आव्हान
chirag paswan interview
काका-पुतण्यांमधील राजकीय लढाईचा अंत? काय म्हणाले चिराग पासवान?

हेही वाचा…आनंद दिघे यांच्या जयंतीच्या दिवशी मराठा समाजाला न्याय दिला, मुख्यमंत्री एकनाथ शिंदे यांची प्रतिक्रिया

मुख्यमंत्री एकनाथ शिंदे हे शक्तीस्थळावर येण्याच्या अर्धा तास आधीच ठाकरे गट येथे येऊन गेल्याने दोन्ही गटातील संघर्ष टळला. दिघे यांच्या समाधीचे दर्शन घेतल्यानंतर खासदार विचारे यांनी पत्रकारांशी बोलताना शिंदे गटावर टीका केली. आज आनंद दिघे यांच्या फोटोकडे पाहिले तर, त्यांच्या डोळ्यात अश्रु येताना दिसतात. गद्दारांना क्षमा नाही, अशी त्यांची शिकवण होती. पण, आज राज्यात शिवसैनिकांना त्रास देण्याचे काम सुरू आहे. त्यांच्या घरादारावर नांगर फिरविण्याचे काम सुरू आहे. त्यांच्यावर खोट्या केसेस टाकण्याच काम चालू आहे. त्यामुळे जे स्वत:ला धर्मवीर आनंद दिघे यांचे खरे, सच्चे शिवसैनिक म्हणवून घेतात, ते सच्चे शिवसैनिक असूच शकत नाही, अशी टिका विचारे यांनी केली. शिवसेना प्रमुख बाळासाहेब ठाकरे आणि धर्मवीर आनंद दिघे यांचे नाव घेऊन ही मंडळी काम करीत आहेत. परंतु हे दुर्दैव आहे. जनता आणि धर्मवीर आनंद दिघे हेच गद्दारांना त्यांची जागा दाखवून देतील, असेही ते म्हणाले.