तिरका डोळा : बुरा न मानो..

नाव आमचे सुधा
आम्हाला सर्व पक्षांमध्ये मुभा
सत्ता कुणाचीही असो,
पालिकेत आमचीच प्रभा..!
नाव एकनाथ असले तरी
भारूडाचा अभाव आहे
पूर्वी मालक होतो,
आता पालक म्हणून प्रभाव आहे..
बेरजेच्या राजकारणाचे डाव
नेहमीच खरे होत नाहीत,
अन् नाव वसंत असले तरी
ग्रीष्माची काहिली कमी होत नाही..
प्रतिभेच्या पलीकडचे ‘क्रिएशन’ शोधणे
हाच आमचा ध्यास..
आधुनिक युगातील आम्ही
वाल्मिकी आणि व्यास..!
नाव संजय, त्यात शहराचे मौर्यपद
तरीही आम्हाला दिव्यदृष्टी सोडा
साधी दृष्टीही नाही..
गटातटांच्या राजकारणात
डोळ्यावरची पट्टी हटत नाही..!