कल्याणमध्ये शिक्षकाकडून विद्यार्थ्याला मारहाण

मुलाचे वडील रमेश थापा यांना ही माहिती मिळताच त्यांनी महात्मा फुले पोलीस ठाण्यात शिक्षक तिवारी यांच्या विरुध्द तक्रार केली. पोलिसांनी गुन्हा दाखल करुन तपास सुरू केला आहे. शिक्षकाच्या या वर्तनाने पालकांनी संताप व्यक्त केला आहे.

हेही वाचा >>> ठाणे : बहुमताची चाचणी केली तर १६४ चे संख्याबळ १८४ होईल – बावनकुळे

चिकणघर भागात थापा कुटुंबीय राहते. त्यांचा मुलगा निरंजन थापा हा आदर्श हिंदी विद्यालयात शिक्षण घेत आहे. सोमवारी तो शाळेत एका सहकारी मुलाबरोबर मस्ती करत होता. हा प्रकार तिवारी यांना सहन झाला नाही. त्यांनी निरंजनला छडी आणि हाताने बेदम मारहाण केली. घरी गेल्यानंतर निरंजनने घडला प्रकार वडिलांना सांगितला. निरंजनच्या हात, पाय आणि तोंडावर मारहाणीचे व्रण उठले आहेत. शिस्त लागण्यासाठी शिक्षकांनी कठोर राहावे पण त्यासाठी बेदम मारहाण हा त्यावरचा उपाय नाही, असे पालकांनी सांगितले.