News Flash

…म्हणून या करोना केअर सेंटरवरील कर्मचारी PPE वर स्वत:चे हसरे फोटो लावून करतात रुग्णसेवा

जिल्हा आयुक्तांनीच शेअर केले फोटो

Photo: Twitter/Devansh_IAS

जगभरातील वेगवगेळ्या देशांमधील आरोग्य कर्मचारी, नर्सेस आणि डॉक्टर करोनाच्या संकटाला धीराने तोंड देत आहे. यासाठी सर्वच स्तरातून त्यांच्यावर कौतुकाचा वर्षाव होताना दिसत आहे. दिवसोंदिवस करोनाबाधितांचा आकडा वाढत असतानाही सर्व डॉक्टर आणि आरोग्य कर्मचारी रुग्णांना बरं करण्यासाठी रात्रंदिवस झटताना दिसत आहेत. त्यातच करोनाचा संसर्ग होऊ नये म्हणून अनेक तास या कर्मचाऱ्यांना पीपीईमध्ये (पर्सनल प्रोटेक्टीव्ह इक्विपमेंट) राहूनच रुग्णांवर उपचार करावे लागतात. या पीपीईमुळे रुग्णांवर उपचार करताना एक तांत्रिकपणा येतो. त्यामुळेच  कॅलिफोर्नियाच्या सेन डियागो येथील एका श्वसन आजारासंबंधातील डॉक्टरने करोनाबाधितांवर पचार करताना वापरल्या जाणाऱ्या पीपीईवर स्वत:चा हसरा फोटो लावला होता. यामुळे करोनाबाधितांना इलाज घेताना भिती वाटणार नाही असं डॉक्टरांचं म्हणणं होतं. आता याच पार्श्वभूमीवर भारतामधील अरुणाचलमधील काही आरोग्य कर्मचाऱ्यांनी स्वत:चा फोटो पीपीईवर लावून रुग्णसेवा करण्यास सुरुवात केली आहे.

अरुणाचलमधील चँगलांग जिल्ह्यातील करोनाबाधितांवर उपचार करण्यात येणाऱ्या केंद्रावरील काही कर्मचाऱ्यांनी आपल्या पीपीई ड्रेसवर स्वत:चे हसरे फोटो चिटकवले आहेत. जिल्हा आयुक्त देवांश यादव यांनी ट्विटवरुन या कर्मचाऱ्यांच्या या आगळ्यावेगळ्या उपक्रमाचे कौतुक करत ते जगापर्यंत पोहचावं या उद्देशाने काही फोटो शेअर केले आहेत.

“चँगलांग येथील कोवीड केअर सेंटरमधील हे आपले करोनायोद्धे. या योद्ध्यांनी आपल्या पीपीईवर स्वत:चे फोटो लावून रुग्णसेवेला मानवी किनार देण्याचा प्रयत्न केला आहे. यामुळे कोवीड समोपदेशन होईल. मास्कच्या मागे कोण आहे हे समजल्यानंतर रुग्णांचीही चिंता कमी होईल,” असं ट्विट यादव यांनी केलं आहे. या ट्विटबरोबर त्यांनी तीन फोटोही ट्विट केले आहेत.

चँगलांग येथील इतर कोवीड सेंटरमध्येही अशाप्रकारचा प्रयोग करण्याची संकल्पना यादव यांनी मांडली आहे. “काही आठवड्यांपूर्वी तेथील परिस्थिती भयंकर होती. येथील अनेक रुग्णांनी माणसांचे चेहरेच बघितलेले नाहीयत. काही जणांचा यामध्येच मृत्यू झाला आहे. त्यामुळेच ही वेगळी कल्पना नक्कीच रुग्णांना दिलासा देणारी ठरु शकते,” असं मत यादव यांनी ‘इंडियन एक्सप्रेस’शी बोलताना व्यक्त केलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 16, 2020 6:17 pm

Web Title: in order to reassure patients medics are pasting photos of their smiling faces on ppe suits scsg 91
टॅग : Coronavirus
Next Stories
1 “मित्रों, समस्या सीमा पर नही समस्या दिल्ली में है”; मोदींचा ‘तो’ व्हिडीओ व्हायरल
2 Viral Video: …अन् काही क्षणात चार मजल्याची इमारत कालव्यामध्ये पडली
3 खगोलशास्त्रज्ञ म्हणतात, “आपल्याच आकाशगंगेत एलियन्सच्या ३० वसाहती असण्याची शक्यता”
Just Now!
X