मोदींच्या लोकप्रियतेमध्ये वाढ… ट्विटर फॉलोअर्सच्या संख्येने ओलांडला सात कोटींचा टप्पा

पंतप्रधान मोदी गुजरातचे मुख्यमंत्री असल्यापासून ट्विटरशी आहेत. एका वर्षाच्या आतच त्यांना एक लाख फॉलोअर्स मिळाले होते. जुलै २०२० मध्ये पंतप्रधानांच्या ट्विटर फॉलोअर्सची संख्या ६ कोटींवर पोहोचली. दुसरीकडे केंद्रीय गृहमंत्री अमित शहा यांचे ट्विटरवर २.६३ कोटी फॉलोअर्स आहेत, तर काँग्रेस नेते राहुल गांधी यांचे १.९४  कोटी फॉलोअर्स आहेत.

पंतप्रधान मोदी त्यांच्या सोशल मीडियावर अकाऊंटवर नेहमीच सक्रिय असतात. प्रत्येक घटनेवर ते पोस्ट करत असतात. गुरुवारी आंतरराष्ट्रीय व्याघ्र दिनानिमित्त भारताच्या व्याघ्र संवर्धनाच्या धोरणाबद्दल त्यांनी पोस्ट केली आहे.

On #InternationalTigerDay, greetings to wildlife lovers, especially those who are passionate about tiger conservation. Home to over 70% of the tiger population globally, we reiterate our commitment to ensuring safe habitats for our tigers and nurturing tiger-friendly eco-systems. pic.twitter.com/Fk3YZzxn07
— Narendra Modi (@narendramodi) July 29, 2021

यासह, पंतप्रधान मोदी जगातील सक्रिय नेत्यांच्या यादीत सर्वात लोकप्रिय नेते बनले आहेत.

जगातील दुसरे सर्वात लोकप्रिय नेते

इतर जागतिक नेत्यांमध्ये अमेरिकेचे माजी अध्यक्ष बराक ओबामा यांचा समावेश आहे ज्यांचे १२.९८ कोटी फॉलोअर्स आहेत, तर अमेरिकेचे विद्यमान अध्यक्ष जो बिडेन यांचे ३.०९ फॉलोअर्स आहेत. यापूर्वी अमेरिकेचे माजी राष्ट्राध्यक्ष डोनाल्ड ट्रम्पही ट्विटरवर बरेच प्रसिद्ध होते, त्यांचे ८.८७ फॉलोअर्स होते, पण आता त्यांचे अकाऊंट बंद झाले आहे.