News Flash

स्टँडर्ड चोर! Samsung Galaxy S10 Plus आवडला नाही म्हणून केला परत; मालकाला म्हणाला, “मला वाटलं…

चोराने फोन परत देताना सांगितलेलं कारण ऐकून मालक झाला हैराण

मोबाईल चोरी झाल्याचा फटका तुमच्यापैकी अनेकांना बसला असेल. सार्वजनिक ठिकाणी फोन हिसकावून चोरीला गेल्याच्या अनेक बातम्या येत असतात. पण, नोएडातील एका ट्विटर युजरने अलिकडेच त्याच्यासोबत घडलेल्या मोबाईल चोरीच्या अत्यंत विचित्र घटनेचा अनुभव सांगितला. चोराने त्याचा फोन चोरला पण त्याला तो फोन आवडला नाही म्हणून त्याने चक्क तो फोन मालकाला परत दिला. पण, फोन परत करताना त्याने मालकाला जे कारण सांगितलं ते तर अजून विचित्र होतं.

देबयान रॉयने ही घटना सांगितली. सेक्टर 52 नोएडा मेट्रो स्टेशनजवळ देबयान मोबाईल हातात पकडून चॅटिंग करत होता. पण, त्याचवेळी काळा मास्क घातलेल्या एका व्यक्तीने त्याचा फोन हिसकावून पळ काढला. फोन चोरल्याचं लक्षात येताच देबयान यांनी चोराला पकडण्यासाठी धाव घेतली. पण, त्यानंतर जे झालं ते खूपच हैराण करणारं होतं.

कारण, पळून जाणारा चोर चक्क परत फिरला आणि त्याने देबयानकडे “भाई, मुझे लगा OnePlus 9 Pro मॉडेल है” असं सांगितलं. इतकंच नाही तर फोन तिथेच रस्त्यावर फेकून तो पुन्हा पळून गेला.

ही घटना देबयानने ट्विटरद्वारे शेअर केल्यानंतर अनेकांनी देबयानला तू नक्की असा कोणता फोन वापरत होतास जो चोराने फेकून दिला असा प्रश्न विचारला. त्यावर देबयानने आपल्याकडे Samsung Galaxy S10 Plus असल्याचं सांगितलं.

नंतर अनेक नेटकऱ्यांनी Samsung Galaxy S10 Plus ची खिल्ली उडवण्यास सुरूवात केली. तर, अनेकजण चोराचंही ‘वेगळं स्टँडर्ड’ असतं अशाप्रकारच्या मजेशीर प्रतिक्रिया देत आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 7, 2021 12:45 pm

Web Title: noida thief snatched phone but returned it because it was galaxy s10 plus and not oneplus 9 pro sas 89
Next Stories
1 योगी आदित्यनाथांनी दिली शिवी?; सोशल मीडियावर व्हिडीओ होतोय व्हायरल
2 …म्हणून अंत्यसंस्काराकरिता २० तर दारुच्या दुकानासमोर २००० जणांना दिलीय परवानगी; जावेद जाफरीचं ट्विट
3 मालकिणीवर बलात्कार करुन पळून जात होता आरोपी, पाळीव कुत्रा ठरला ‘हिरो’
Just Now!
X