जगभरात नववर्षाचे जल्लोषात स्वागत होत असतानाच लोकप्रिय मेसेजिंग सर्व्हिस अॅप अर्थात व्हॉट्स अॅपची सेवा नववर्षाच्या मुहूर्तावर सुमारे ३० मिनिटांसाठी बंद पडली. व्हॉट्स अॅपची सेवा पूर्ववत झाल्याचे ‘व्हॉट्स अॅप’च्या प्रवक्त्यांनी स्पष्ट केले असले तरी नववर्षाच्या रात्रीच व्हॉट्स अॅपचे ‘बारा’ वाजल्याने युजर्सचा हिरमोड झाला होता.
रविवारी मध्यरात्री बारा वाजता नववर्षाचे स्वागत केल्यानंतर नेटिझन्सनी मोबाईल हातात घेतला आणि व्हॉट्स अॅपवरुन मित्रमंडळी व नातेवाईकांना नववर्षाचे मेसेज पाठवायला सुरुवात केली. मेसेज जात नसल्याने सुरुवातीला अनेकांनी नेट जोडणी तपासली. नववर्षाच्या मुहूर्तावर इंटरनेटवरील भार वाढला असावा आणि त्यामुळे व्हॉट्स अॅप बंद पडले असावे, असा सर्वांचा समज झाला. मात्र, काही वेळातच अनेकांनी सोशल मीडियावरही याबाबत विचारणा केली आणि ट्विटरवर ‘व्हॉट्सअॅपडाऊन’ हा हॅशटॅग ट्रेंड झाला. यानंतर जगभरात व्हॉट्स अॅप बंद पडल्याचे स्पष्ट झाले. अनेक युजर्सनी सुरुवातीला राग व्यक्त केला. मात्र, काही वेळातच याबाबतचे विनोदही व्हायरल होऊ लागले. भारतात व्हॉट्स अॅपचे २० कोटींपेक्षा जास्त युजर्स आहेत.
What's app got drunk and is down… #WhatsAppDown #HappyNewYear2018 #HappyNewYear
— Hindustani…. (@iamnavamohan) January 1, 2018
500 people in India have already died because Whatsapp is down and they couldn't forward a #HappyNewYear text to 10 people. #WhatsappDown #HappyNewYear2018
— Hindustani…. (@iamnavamohan) January 1, 2018
WhatsApp engineers right now#whatsappdown pic.twitter.com/F69AAqnIez
— Shreyas Bangera (@Shreyas1221) December 31, 2017
WhatsApp seems to have had a rough entry in 2018 #WhatsAppDown pic.twitter.com/4f3mOQXf7F
— Mark (@MarkMC90) December 31, 2017
This is how #Whatsapp entered 2018 #whatsappdown pic.twitter.com/7eUDSbUD9W
— Selvakumar Natarajan (@_selvakumar_n) January 1, 2018
Those that came to twitter to confirm the crashing of WhatsApp, please raise your hands pic.twitter.com/e91K2qIBS4
— GENTLE AGBERO
भारतासह जगभरातील युजर्सना व्हॉट्स अॅप बंदचा फटका बसला. या तांत्रिक बिघाडाचे कारण व्हॉट्स अॅपने स्पष्ट केलेले नाही.
यापूर्वी ३ नोव्हेंबर, २ आणि सप्टेंबर तसेच ३१ ऑगस्ट रोजीही व्हॉट्स अॅपची सेवा बंद पडली होती.दरम्यान, काही ठराविक कंपनीच्या हँडसेटमध्ये व्हॉट्स अॅप आजपासून बंद झाले. यात ब्लॅकबेरी OS BlackBerry OS, ब्लॅकबेरी १० BlackBerry 10, आणि विंडो फोन ८.० यांचा समावेश आहे. कियाची एस ४० सिरीज, नोकिया सिम्बियन एस ६०, अँड्रॉइड २.१, अँड्रॉइड २.२ आणि विंडोज फोन आणि ब्लॅकबेरीमधली व्हॉट्स सेवा कायमस्वरूपी खंडीत झाली आहे. भारतातील सरासरी इंटरनेट यूजर्स हे मोबाईल वापरण्याच्या कालावधीपैकी ७० टक्के वेळ व्हॉट्सअॅप, फेसबुक, म्युझिक आणि मनोरंजनाशी निगडीत अॅप्सवर घालवतात अशी माहिती एका सर्वेक्षणातून समोर आली होती.
लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
First Published on January 1, 2018 10:04 am
Web Title: on new years evening whatsapp goes down faces global outage problem fixed after about an hour
