अमेरिकेचे अध्यक्ष डोनाल्ड ट्रम्प हे पुढील आठवड्यात भारताच्या दौऱ्यावर येणार आहेत. त्याआधीच त्यांचा दौरा भारतात चर्चेत आला आहे. ट्रम्प अहमदाबाद, दिल्लीला भेट देणार आहेत. त्यांच्या भेटीच्या पार्श्वभूमीवर अहमदाबादमध्ये जोरात विकासकामं सुरू असून, ट्रम्प जात असलेल्या रस्त्याच्या झोपड्या दिसू नये म्हणून भिंत उभी करण्यात आली आहे. भिंत उभी करण्याच्या कामावर राजकीय नेत्यांबरोबर सोशल मीडियातूनही टीका होऊ लागली आहे. अनेकांनी पंतप्रधान मोदी यांना लक्ष्य केलं आहे. “ट्रम्प यांना अहमदाबाद दाखवायची लाज वाटत असेल, तर दिल्ली दाखवा,” असं एका नेटकऱ्यांनं म्हटलं आहे. सोशल मीडियात उमटलेल्या प्रतिक्रियांपैकी काही प्रतिक्रिया…