एकेरी धाव घेण्यास नकार देणाऱ्या डॅरिल मिशेलने आपल्या वक्तव्यानं जिंकली चाहत्यांची मनं; म्हणाला, “मला वाद…”

मिशेलने केवळ ४७ चेंडूत ७२ धावांची मॅच-विनिंग खेळी केली नाही तर मैदानावरील त्याच्या वर्तनाने जगभरातील चाहत्यांची मने जिंकली.

England vs New Zealand
टी-२० विश्वचषक उपांत्य फेरी (फोटो: disney+ hotstar )

न्यूझीलंडच्या क्रिकेटपटूंची जेटलमन्स अशी प्रतिमा आहे. टी २० विश्वचषक २०२१ मधील इंग्लंडविरुद्धच्या उपांत्य फेरीतील सामनावीर, डॅरिल मिशेलने बुधवारी याचच आणखी एक उदाहरण दिले. डॅरिल मिशेल इंग्लंडविरुद्ध न्यूझीलंड संघाचा हिरो होता. उजव्या हाताच्या सलामीच्या फलंदाजाने ४७ चेंडूंमध्ये सामना जिंकणाऱ्या नाबाद ७२ धावा केल्या आणि टी २० विश्वचषक स्पर्धेच्या पहिल्या उपांत्य फेरीत इंग्लंड संघाचा पराभव करण्यास मदत केली.

नक्की काय झालं?

मिशेलने केवळ ४७ चेंडूत ७२ धावांची मॅच-विनिंग खेळी केली नाही तर मैदानावरील त्याच्या वर्तनाने जगभरातील चाहत्यांची मने जिंकली. सामन्याच्या १८ व्या ओव्हरमध्ये आदिल रशीदच्या गोलंदाजीवर जिमी नीशमने एक चेंडू थेट खेळपट्टीच्या खाली ढकलला होता. नीशमने शॉट खेळला तेव्हा मिशेल नॉन-स्ट्रायकरच्या टोकाला उभा होता. नॉन-स्ट्रायकर मिशेल त्याच्या मार्गात आला नसता तर रशीदने चेंडूवर पकड मिळवली असती असे दिसते. परिस्थितीने किवी जोडीला एकेरी घेण्याची संधी दिली पण मिशेलने ते नाकारलं.

( हे ही वाचा: Photos: “मी फक्त चकना खाल्ला, दारूच्या…” धोनी, रवी शास्त्री आणि हार्दिकच्या फोटोवर भन्नाट मिम्सचा व्हायरल! )

मिशेलच्या या हावभावाचे अनेकांनी कौतुक केले आणि सामन्यानंतरच्या पत्रकार परिषदेत किवी सलामीवीरालाही याबद्दल विचारण्यात आले. प्रत्युत्तरात, ३० वर्षीय तरुण म्हणाला की, “मला कोणताही वाद निर्माण करायचा नाही.”

( हे ही वाचा: Video: …अन् पद्म पुरस्कार सोहळ्यामध्ये त्यांनी पंतप्रधानांसमोरच राष्ट्रपतींची दृष्ट काढली )

“मला वाटले की कदाचित मी थोडासा रशीदच्या मार्गात आलो असतो आणि मला असा माणूस व्हायचे नाही ज्यामुळे थोडासा वाद झाला असता, म्हणून मला आनंद झाला. आम्ही सर्वजण गेम खेळतो. चांगल्या भावनेने आणि मला असे वाटले की कदाचित ही माझी चूक आहे म्हणून प्रयत्न करणे आणि धाव घेण्यास विरोध करणे, पुन्हा सुरू करणे आणि पुढे जाणे चांगले आहे. मी नशीबवान आहे की त्याने काही फरक पडला नाही,” तो म्हणाला.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Daryl mitchell who refused to take a single won the hearts of the fans with his statement said i argue ttg