Video: व्हर्टिकल गार्डनमधील कुंड्या चोरल्याचा व्हिडिओ व्हायरल; नेटकरी संतापले

फेसबुकवरील ‘ऑलवेज दिल से’ या पेजवरुन पोस्ट करण्यात आलेल्या व्हिडीओमध्ये एक मध्यमवयीन व्यक्ती व्हर्टीकल गार्डनमधील कुंड्या चोरताना दिसत आहे. आपली चोरी मोबाइल कॅमेरामध्ये कैद होत असल्याचे दिसताच ही व्यक्ती कुंडीमधील रोपटे आणि माती खाली टाकून देत कुंडी पिशवीत घालून पळ काढताना या व्हिडिओत दिसते. ‘हे काका सर्व रोपटी उद्धवस्त करुन प्लॅस्टीकच्या कुंड्या चोरत आहेत,’ अशी कॅप्शन या व्हिडिओला देण्यात आली आहे. ‘सामान्य नागरिकच असं वागणार असेल तर सरकारला दोष देऊन फायदा नाही. मी या व्यक्तीला चांगलाच धडा शिकवला असता पण त्यांचे वय बघून मी त्यांना जाऊ दिले,’ असंही व्हिडिओ पोस्ट करणाऱ्याने म्हटलं आहे.

हा व्हिडिओ दहा ऑक्टोबरला पोस्ट करण्यात आला आहे. त्यानंतर अनेक पेजेसवरुन आणि ट्विटर अकाऊंटवरुन हा व्हिडिओ पोस्ट करण्यात आला आहे. अशा लोकांवर प्रशासनाने कठोर कारवाई करायला हवी असे मत अनेकांनी व्यक्त केले आहे.

Why India can never get developed. Shameful pic.twitter.com/x2KyhDJPZT
— Le desi mojito (@desimojito) October 13, 2019

दरम्यान, देशभरातील अनेक बड्या शहरांमध्ये उड्डाणपुलाखालील खांबांवर व्हर्टीकल गार्डन उभारण्यात येतात. शहरामधील प्रदुषणावर आळा घालण्यासाठी या व्हर्टीकल गार्डनचा उपयोग होतो.