ख्यातनाम तंत्रज्ञ आणि 'टेस्ला' या आघाडीच्या ऑटोमोबाइल कंपनीचे मालक इलॉन मस्क यांनी करोना व्हायरसमुळे अमेरिकेत लागू असलेल्या लॉकडाउनचा विरोध दर्शवलाय. "Free America Now" (अमेरिकेला मुक्त करा) असे ट्विट करत जवळपास एका महिन्यापासून सुरू असलेला लॉकडाउन हटवण्याची मागणी मस्क यांनी केली आहे. FREE AMERICA NOW — Elon Musk (@elonmusk) April 29, 2020 लॉकडाउनला विरोध दर्शवताना इलॉन मस्क यांनी काही ट्विट केले आहेत. 'टाळेबंदी केल्यास करोना व्हायरसमुळे मृत्यूमुखी पडणाऱ्यांच्या संख्येत फारसा फरक पडत नाही', या आशयाच्या 'वॉल स्ट्रिट जर्नल'च्या एका लेखाच्या आधारे इलॉन मस्क यांनी, "नागरिकांना त्यांचं स्वातंत्र्य पुन्हा बहाल करा" असं ट्विटरद्वारे म्हटलं आहे. Give people their freedom back! — Elon Musk (@elonmusk) April 29, 2020 याशिवाय, Bravo Texas! असे म्हणत मस्क यांनी, टेक्सासमध्ये शुक्रवारपासून अनेक व्यवहार पुन्हा सुरू होणार असल्याचं स्वागत केलं आहे. अन्य एका ट्विटमध्ये मस्क यांनी, दुसऱ्या एका ट्विटर युजरच्या मताशी सहमती दर्शवत, "निर्बंध हटवल्यानंतर सर्व खबरदारी घ्यायला हवी, सोशल डिस्टन्सिंगचं पालन करायला हवं. पण, लोकांना घरांमध्ये लॉक करु नये" असे म्हटले आहे. Bravo Texas! — Elon Musk (@elonmusk) April 29, 2020 Yes, reopen with care & appropriate protection, but don’t put everyone under de facto house arrest — Elon Musk (@elonmusk) April 29, 2020 मस्क यांनी लॉकडाउनला विरोध केल्यानंतर आता त्यांच्या ट्विटवर विविध प्रतिक्रिया उमटत आहेत.
