गुवाहाटी,आसाममधील दोन लहान मुलांना भारताचे पंतप्रधान नरेंद्र मोदी आणि आसामचे मुख्यमंत्री हिमंता बिस्वा सरमा यांना एका गंभीर चिंतेबदल लिहायची नितांत गरज वाटली. आणि ही चिंता काय आहे हे वाचून तुम्हाला नक्कीच हसू येईल. चिंता म्हणजे दात पडणे आणि त्यामुळे त्यांचे आवडते पदार्थ खायला न येणे हे आहे. होय, आपण ते बरोबर वाचले! दात वाढत नसल्याने सहा वर्षीय रईसा रवझा अहमद आणि पाच वर्षीय आर्यन अहमद यांना स्वतःला खूपच कसे तरी वाटत आहे. म्हणून त्यांनी त्यांच्या समस्यांबद्दल उच्च अधिकाऱ्यांना संबोधित करण्याचा निर्णय घेतला. फेसबुकवर या दोन मुलांची पत्रे असलेली एक पोस्ट आता व्हायरल होत आहे. पत्र फेसबुकवर केलं पोस्ट मुलांचे काका मुख्तार अहमद यांनी शेअर केलेली पोस्ट वाचून आनंद वाटेल. दोन मुलांनी लिहिलेल्या पत्रांमध्ये पीएम मोदी आणि सीएम सरमा यांचा उल्लेख आहे आणि त्यांना ‘कृपया आवश्यक ती कारवाई करा’ अशी विनंती केली आहे. ते त्यांचे आवडते पदार्थ खाऊ शकत नाहीत हे देखील पत्रांमध्ये नमूद केले आहे. "हिमंता बिस्वा सरमा आणि नरेंद्र मोदींना. माझ्या भाची रावझा (६ वर्ष) आणि भाचा आर्यन (५ वर्ष) एन.बी कडून पत्र. माझ्यावर विश्वास ठेवा, मी घरी नाही, मी कर्तव्यावर आहे, माझी भाची आणि पुतण्याने स्वतःहून हे पत्र लिहिले आहे. PS: कृपया त्यांचे दातांसाठी आवश्यक ते करा कारण ते त्यांचे आवडते पदार्थ चघळू शकत नाहीत." त्यांनी कॅप्शनमध्ये लिहले. ही पोस्ट २५ सप्टेंबर रोजी शेअर करण्यात आली होती आणि नेटिझन्सकडून त्याला खूप प्रेम मिळाले. या 'गंभीर' प्रकरणाबाबत उपाययोजना करण्याची विनंती करण्याचा मोहक मार्ग अनेकांनी हसत हसत कमेंट केला.
