VIDEO: “मी कॅबमध्ये झोपलेले…डोळे उघडताच ड्रायव्हर जे करत होता ते पाहून धक्का बसला”; मुंबईतल्या तरुणीनं दिल्लीत स्वत:चा जीव कसा वाचवला पाहा

तिच्या पोस्टनुसार, पहिली घटना दिल्ली विमानतळावरून रॅपिडो राइड बुक केल्यानंतर घडली. तिने ड्रायव्हरला एअर कंडिशनिंग चालू करण्यास सांगितले तेव्हा त्याने नकार दिला आणि तिला सांगितले, “माझ्या इच्छेनुसार ते चालू केले जाईल. जर तुम्हाला एसीची इतकीच गरज असेल तर दुसरी कॅब बुक करा.” नंतर तिने विमानतळावरील रॅपिडोच्या मदत केंद्राशी संपर्क साधला. परंतु तिने अखेर नोएडाला पोहोचण्यासाठी उबर बुक करण्याचा निर्णय घेतला.

नेमकं काय घडलं?

उबर प्रवासादरम्यान, तरुणीची थोड्या वेळासाठी झोप लागली आणि ज्यावेळी तिला जाग आली तेव्हा तिला जे समोर दिसलं ते पाहून तिला धक्का बसला. ड्रायव्हर तिचा व्हिडीओ रेकॉर्ड करत असल्याचे तिने पाहिले. मात्र सुरुवातीला तिला भास झाल्यासारख वाटलं. मात्र काही क्षणांनंतर, तिला समजले की तो प्रत्यक्षात तिचे रेकॉर्डिंग करत आहे. घाबरून, तिने पटकन तिच्या बहिणीला माहिती दिली आणि कॅबची माहिती शेअर केली. तिच्या बहिणीने तिला ताबडतोब गाडीतून उतरण्यास सांगितले. यानंतर तरुणीने डोकं लावलं आणि रस्त्यात आलेल्या मैत्रिणीला काहीतरी द्यायचे आहे असे भासवून, सुश्री लोहिया तिची सुटकेस घेऊन बाहेर पडली आणि तिथून पळून गेली.

पाहा व्हिडीओ

दोन्ही कंपन्यांकडून प्रतिसाद

या व्हिडिओला आधीच दोन दशलक्ष व्ह्यूज मिळाले आहेत आणि दोन्ही कंपन्यांकडून त्याला प्रतिसाद मिळाला आहे. रॅपिडोने माफी मागितली आहे की, “तुमच्या अलीकडील राईडमध्ये झालेल्या त्रासाबद्दल आम्ही दिलगीर आहोत. ही सेवा आम्ही देऊ इच्छित नाही. कृपया तुमचा नोंदणीकृत मोबाइल नंबर आणि राईड आयडी डीएम द्वारे शेअर करा जेणेकरून आम्ही तुम्हाला अधिक मदत करू शकू.”
उबरनेही या घटनेवर भाष्य केले आहे, “हाय रुचिका, हे ऐकून खूप चिंता वाटते. उबर प्रवाशांच्या सुरक्षिततेला खूप गांभीर्याने घेते, म्हणून आम्ही याची चौकशी करू इच्छितो. कृपया तुमचे उबर अकाउंट आणि ट्रिप तपशील आम्हाला डीएम करा जेणेकरून आम्ही पुढील चौकशी करू शकू.”