ट्रान्स मॅन झाला प्रेग्नंट, केरळच्या त्या कुटुंबात हलणार पाळणा, तृतीयपंथीयांची प्रेमकहाणी व्हायरल

कोझीकोडे येथे क्लासिकल डान्स टिचर असलेल्या झियाने त्यांच्या प्रेमकहाणीबद्दल बोलताना म्हटलं की, आम्ही तीन वर्षांपासून एकत्र राहतो. इतर तृतीयपंथीयांपेक्षा आमचं जीवन वेगळं असावं, असं आम्हाला वाटतं. तृतीयपंथीयांना काही ठिकाणी बंदी घालण्यात आलीय. काही कुटुंबात तृतीयपंथीयांना मानसिक त्रासालाही सामोरं जावं लागतं. जगात आमचं अस्तित्व कायम राहावं, यासाठी आम्ही एका बाळाला जन्म द्यायचं ठरवलं. खूप विचारविनिमय झाल्यानंतरच आम्ही हा निर्णय घेतला.

नक्की वाचा – परीक्षागृहात ५०० मुलींसोबत १ मुलगा; ते दृष्य बघूनच मुलाला आली चक्कर

साहद (२३) आणि झिया (२१) हे तृतीयपंथीय कपल तीन वर्षांपासून एकत्र राहतात. लिंग परिवर्तनासाठी या दोघांनीही हार्मोन थेरेपी केली आहे. यासाठी साहदची स्तनही काढण्यात आले. बाळाला जन्म दिल्यानंतर पुन्हा अशाच प्रकारेच साहदचा जीवनप्रवास सुरु राहील. ट्रान्स मॅन आणि ट्रान्स वुमन अशाच प्रकारचं जीवन आम्ही पुढील आयुष्यात जगणार आहोत. मी माझी हार्मोन ट्रिटमेंट सुरु ठेवत आहे. प्रसृतीनंतर सहा महिन्यांनी किंवा एका वर्षानंतर सहाद ट्रान्स मॅन होण्यासाठीची ट्रिटमेंट पुन्हा सुरु करेल, असंही झियाने म्हटलं आहे. कोझीकोडे येथील सरकारी वैद्यकीय महाविद्यालयातील डॉक्टरांनी आम्हाला मदत केली. पुढील महिन्याद साहदची प्रसुती याच रुग्णालयात करण्यात येणार आहे. साहदने स्तन काढल्यामुळं आम्ही बाळाला रुग्णालयातील ब्रेस्ट मिल्क बॅंकेतून दुधाची उपलब्धता करुन देऊ, असंही झियाने पोस्टच्या माध्यमातून सांगितलं.