Video : संत्र्याच्या बागेत रुग्णांवर उपचार, झाडांच्या फांद्यांना सलाईन लटकवून चढवलं ग्लुकोज

सरकारी अधिकारी घटनस्थळी पोहचले तेव्हा त्यांना झाडाखाली कार्डबोर्डची अंथरुण करुन त्यावर पडलेल्या महिलांना झाडाच्या फांद्यांना लटकवलेल्या सलाईनमधून ग्लुकोज देण्यात येत असल्याचं दिसलं. याच परिसरामध्ये अधिकाऱ्यांना सीरिंज आणि औषधांची अर्धवट जळालेली बिलंही सापडली. करोनासंदर्भात आता ग्रामीण भागातही मोठ्याप्रमाणात भीतीचं वातावरण निर्माण झालं आहे. त्यामुळेच अनेक ठिकाणी लोक सरकारी रुग्णालयात जाण्यास टाळाटाळ करत आहेत. आपण सरकारी रुग्णालयांमध्ये गेलो तर आपली करोना चाचणी करुन आपल्याला रुग्णालयात दाखल करतील अशी भीती ग्रामीण भागातील जनतेला आहे. त्यामुळेच अनेक ठिकाणी ग्रामीण भागात आता खोट्या डॉक्टरांच्या मदतीने उपचार करण्याला नागरिक प्राधान्य देताना दिसत आहे. करोनाच्या पार्श्वभूमीवर खुल्या जागी रुग्णांवर उपचार करणे नियमांचे उल्लंघन करण्यासारखं आहे. सध्या या डॉक्टरचा शोध प्रशासनाकडून घेतला जात आहे.

Video : संत्र्याच्या बागेत रुग्णांवर उपचार, झाडांच्या फांद्यांना सलाईन लटकवून चढवलं ग्लुकोजhttps://t.co/sSVUjBdHCo < येथे वाचा सविस्तर बातमी#coronavirus #Covid19 #CoronaSecondWave #CoronaPandemic #ViralVideo #Viral pic.twitter.com/eNIzS2OfRz

— LoksattaLive (@LoksattaLive) May 7, 2021

ब्लॉक मेडिकल ऑफिसर असणाऱ्या मनीष कुरील यांनी बीबीसीशी बोलताना डिग्री नसताना अशाप्रकारे लोकांवर उपचार करणाऱ्या डॉक्टरांवर आम्ही कारवाई करत असल्याचं सांगितलं. यापूर्वीच आम्ही अशा नकली डॉक्टरांना करोना काळामध्ये रुग्णांच्या जीवाशी न खेळता, तुमच्याकडे रुग्ण आल्यास त्यांना रुग्णालयांमध्ये जाण्याचा सल्ला द्यावा असं आवाहन केलं होतं. सर्दी, खोकला, ताप यासारखी लक्षणं असणाऱ्यांना उपचारांसाठी रुग्णालयात पाठवण्यात यावं. तिथे करोना चाचणी नकारात्मक आल्यानंतर स्थानिक डॉक्टर रुग्णांवर उपचार करु शकतात, असे निर्देश सर्व डॉक्टरांना देण्यात आल्याचं कुरील म्हणाले.