अनोखं टॅलेंट! २० किलो पार्ले-जी बिस्किटांपासून साकारलं अयोध्येतील श्री राम मंदिर; पाहा VIDEO / Man Makes Replica Of Shree Ram Mandir With The Help Of Twenty Kg Of Parle G Biscuits

पार्लेजी बिस्किटांपासून साकारलं अयोध्येतील श्री राम मंदिर...

Man Makes Replica Of Shree Ram Mandir With The Help Of Twenty Kg Of Parle G Biscuits

(फोटो सौजन्य: @durgapur_times) पार्ले-जी बिस्किटांपासून साकारलं अयोध्येतील श्री राम मंदिर!

Ayodhya Ram Mandir Inauguration: अयोध्येतील भव्य श्री राम मंदिराचे २२ जानेवारीला उदघाटन होणार आहे आणि याची तयारी सुद्धा जोरदारपणे सुरु आहे. तसेच सोशल मीडियावरही रामभक्त श्री राम मंदिरासाठी रांगोळी, पेंटिंग, खास पदार्थ, साडी, अगरबत्ती आदी गोष्टी त्यांच्यासाठी मनोभावे बनवताना दिसून आले आहेत. तर आज सोशल मीडियावर एक व्हिडीओ व्हायरल होत आहे. यात चक्क बिस्किटांपासून राम मंदिर तयार केलं आहे.

सोशल मीडियावरील युजर श्री घोष आणि त्यांच्या मित्रांनी मिळून हे भव्य राम मंदिर बनवले आहे. थर्माकोल, प्लायवूड, ग्ल्यू गन आणि पार्ले-जी बिस्किटे यांच्या सहाय्याने हे श्री राम मंदिर तयार केले आहे. तसेच हे मंदिर बनवण्यासाठी त्यांना चक्क पाच दिवसांचा कालावधी लागला आहे. मंदिरांची लांबी चार फूट बाय चार फूट असून यासाठी चक्क २० किलो पार्ले-जी बिस्किटांचा वापर करण्यात आला आहे. पार्ले-जी बिस्किटांपासून साकारलेल राम मंदिर एकदा तुम्हीसुद्धा व्हिडीओतून पाहा.

हेही वाचा…Indian Railway: ५ वर्षाखालील मुलांसाठी रेल्वे प्रवासात तिकीट काढावे लागते का? भारतीय रेल्वेने फोटो शेअर करीत दिले उत्तर

व्हिडीओ नक्की बघा :

View this post on Instagram

A post shared by Durgapur Times (@durgapur_times)

व्हायरल व्हिडीओत तुम्ही पाहू शकता की, अगदीच बारकाईने या मंदिरांचा अभ्यास करून, मंदिराची वैशिष्ट्ये लक्षात ठेवून त्यांची रचना केली आहे.
बिस्किटांचा उपयोग या तरुण मंडळींनी अदभुत कला दाखवण्यासाठी केला आहे. तसेच हे मंदिर बनवण्यासाठी त्यांनी २० किलो पार्ले-जी बिस्किटांचा वापर केला आहे.

सोशल मीडियावर हा व्हिडीओ @durgapur_times या इन्स्टाग्राम अकाउंटवरून शेअर करण्यात आला आहे. अनेक रामभक्त हा व्हिडीओ पाहून कमेंटमध्ये जय श्री राम म्हणताना दिसत आहेत. या व्हिडीओत तुम्हालाही तरुणांची उत्तम कामगिरी आणि बिस्किटांच्या रचनेतून साकारलेलं या भव्य मंदिराची एक झलक पाहता येईल ; जे पाहून तुम्ही थक्क व्हाल आणि या तरुणांचे कौतुक कराल..