Man received brick piece instead of power bank from Flipkart Big Billion Sale | युजरला पॉवर बँकच्या बदल्यात मिळाला विटेचा तुकडा

युजरला पॉवर बँकच्या बदल्यात विटेचा तुकडा मिळाल्याचा प्रकार समोर आला आहे.

(फोटो सोशल मीडियावरून साभार)

आजकाल एखादी वस्तू दुकानात किंवा मॉलमध्ये जाऊन घेण्यापेक्षा ऑनलाइन शॉपिंग करण्यास लोक पसंती देत आहेत. कोणतीही वस्तू लागली की फोनमध्ये अपवर, वेबसाइटवर जायचं आणि ऑर्डर करायची. ती वस्तू घरपोच मिळते. लॉकडाऊनमुळे ऑनलाइन शॉपिंग करण्यात वाढ झाली आहे. बाहेर न पडता आपल्याला हवं ते मिळतं. पण बऱ्याचदा असं होतं की आपण ऑर्डर केलेल्या वस्तूऐवजी दूसरं काहीतरी आपल्याला मिळतं. किंवा ऑर्डर केलेली वस्तू खराब निघते. अनेक लोकांची शॉपिंग करताना फसवणूक झाली आहे. असाच ऑनलाइन फसवणुकीचा प्रकार समोर आला आहे.

पुढच्या काही काळात नवरात्र, दसरा दिवाळी सारखे सण-उत्सव असल्यानं ऑनलाईन शॉपिंग प्लॅटफॉर्मवर फेस्टिव सेल सुरू आहेत. कंपनीच्या ऑनलाइन सेलमध्ये युजर्सना भरभरून ऑफर दिल्या जात आहेत. अशातच एका युजरने फ्लिपकार्टवरून 2000 mAh ची पॉवर बँक मागवली. त्याला त्याच्या ऑर्डरची डिलीव्हरी मिळाल्यानंतर त्याने उत्साहाने ते पाकिट उघडलं मात्र, त्यातून पॉवर बँक ऐवजी विटेचा तुकडा बाहेर आला. @RahulSi27583070 नावाच्या या युजरने ट्विटरवर या संदर्भात माहिती दिली. त्याने कॅप्शनमध्ये फ्लिपकार्टला टॅग करत लिहिले की, “20000Mah पॉवर बँकेऐवजी वीटेचा तुकडा पाठवल्याबद्दल धन्यवाद.” त्यानंतर इतर लोकांनीही त्यांच्यासोबत घडलेल्या अशाच घटना सोशल मीडियावर शेअर करण्यास सुरुवात केली.

Thanks @Flipkart @flipkartsupport for “brick piece” instead of 20000 mah power bank. Hatt off to #BigBillionDays #flipkart Order Id : OD123002100216739000 pic.twitter.com/zJiHv8bRP1
— Rahul Singh (@RahulSi27583070) October 4, 2021

ऑनलाइन फसवणूक झाल्याचा हा पहिलाच प्रकार नाही. याआधी अनेक लोकांना फोनच्या ऐवजी साबण, कुणाला रिकामा बॉक्स तर इतरांना मागितलेल्या सामानाऐवजी वेगळाच प्रॉडक्ट मिळाल्याचे किस्से घडले आहेत.

First published on: 06-10-2021 at 12:30 IST

Web Title: Man received brick piece instead of power bank from flipkart big billion sale hrc

Flipkart Big Billion Sale: पॉवर बँकच्या बदल्यात मिळाला विटेचा तुकडा; युजर म्हणाला…

युजरला पॉवर बँकच्या बदल्यात विटेचा तुकडा मिळाल्याचा प्रकार समोर आला आहे.