अरेरे! ३८ लाख खर्च करून आणलेला ‘ख्रिसमस ट्री’ फक्त दोन आठवडे जगला

नाताळ सण अवघ्या आठवडाभरावर येऊन ठेपला आहे. या सणात ठिकठिकाणी ख्रिसमस ट्री उभारला जातो. उंचच उंच आणि वेगवेगळ्या पद्धतीनं सजवलेले ख्रिसमस ट्री हे सगळ्यांच्या आकर्षणाचा विषय असतो. अनेक देशांत शहराच्या मध्यभागी किंवा मोक्याच्या ठिकाणी खास कित्येक फूट उंच ख्रिसमस ट्री उभारण्याची प्रथा आहे. याला रोम तरी कसा अपवाद ठरेल. दोन आठवड्यापूर्वी खास ख्रिसमससाठी रोममध्ये मोठाला ख्रिसमस ट्री मागवण्यात आला होता. शोभेच्या वस्तूंनी सजवून झाल्यानंतर हा ख्रिसमस ट्री इथल्या शासकीय इमारतीसमोर मोठ्या दिमाखात उभा होता. पण,  ख्रिसमस येण्याआधी हा उंच वृक्ष मृत पावला आहे.