आपल्या लाडक्‍या पत्नीचा जीव घेणाऱ्या डोंगराला फोडण्याची जिद्द दशरथ मांझीनं प्रत्यक्षात उतरवून दाखवली. २२ वर्षांच्या मेहनतीनंतर त्यांनी ३६० फूट लांब, २५ फूट खोल आणि ३० फूट रुंद रस्ता बांधला. ही निखळ प्रेमाची आणि जिद्दीची कहाणी साऱ्या जगाला माहिती झाली. अशाच निखळ प्रेमाचं दर्शन घडवणारी एक कहाणी नव्यानं प्रकाशझोतात आली आहे. काही वर्षांपूर्वी आपल्या प्रेमविवाहाला लोकांचा तीव्र विरोध केल्यानं जू चाओकिंग पळून गेले होते. लोकांपासून दूर जंगलातल्या गुहेत त्यांनी आपला संसार थाटला होता. आपल्या मुलांसोबत गुहेत ते सुखानं संसार करत होते. त्यांच्या या नव्या विश्वाबद्दल कोणालाच माहिती नव्हती. पण तब्बल ५० वर्षांनी काही ट्रेकर्सनं जेव्हा जंगलातून गुहेत जाणाऱ्या हजारो पायऱ्या पाहिल्या तेव्हा ही ‘लव्ह स्टोरी’ जगासमोर आली. आता या पायऱ्या प्रेमाचं प्रतीक बनल्या आहेत.
ब्रिटनच्या शाही विवाहातल्या काही जगावेगळ्या पद्धती तुम्हाला माहितीये?
Viral Video : वेगवान कार आणि ‘चित्ता’थरारक शर्यत!
जू चाओकिंग आणि लियू गुओजियाद यांचा विवाह गावाला मान्य नव्हता. लियू ही विधवा होती. तिच्या पदरी दोन मुलंही होती. एका विधवेनं पुन्हा संसार थाटावा हे गावकऱ्यांना मान्य नव्हतं. म्हणून गावकऱ्यांचा तीव्र विरोध होऊ लागल्यावर जू आणि लियू हे दोघंही गावातून पळून गेले. जंगलातल्या एका गुहेत त्यांनी आपला संसार थाटला. येथे आपल्याला कोणीही त्रास देणार नाही हे त्यांना माहिती होतं. कोणत्याही सोयी सुविधेविना जू आणि लियूचं प्रेम फुलू लागलं होतं. गावकऱ्यांचा विरोध नसला तरी इथे राहताना आपल्या पत्नीला एक मोठी अडचण येत असल्याचं जू यांच्या लक्षात आलं. गुहेतून खाली उतरण्याची वाट निसरडी होती. डोंगर असल्यानं कधीही आपल्या पत्नीचा त्यावरून पाय घसरून जीव जाऊ शकतो ही भीती जू यांना वाटत होती. त्याच क्षणापासून डोंगर पोखरून त्यांनी पायऱ्या बांधायला सुरूवात केली. एक-एक पायरी करत त्यांनी ५० वर्षांत सहा हजार पायऱ्या बांधल्या.
