ट्रम्प कोर्टात हरल्यावर आता कोर्टाला कोर्टात खेचणार!

जगातल्या सर्वात शक्तिमान महासत्तेच्य़ा अध्यक्षांनी आता अमेरिकन कोर्टांनाच कोर्टांना खेचण्याची धमकी ट्विटरवरून दिली आहे. आणि यावरून ट्विटरवर कल्लोळ उडालाय. जगभरातले आणि अमेरिकेतलेही ट्विटर यूझर्स अमेरिकन अध्यक्षमहोदयांची खिल्ली उडवत आहेत.

वाचा ट्रम्प यांचं ट्वीट

“तुम्हाला कोर्टातच पाहून घेतो”

SEE YOU IN COURT, THE SECURITY OF OUR NATION IS AT STAKE!

— Donald J. Trump (@realDonaldTrump) February 9, 2017

आणि त्यावर अध्यक्षांची कीव करणारी ही ट्वीट्स

“राष्ट्राध्यक्ष कोर्टात हरल्यावर कोर्टाला कोर्टात खेचणार आहेत”

President Trump, after losing in court, says he will see the court. In court.

— Matt Viser (@mviser) February 9, 2017

कोर्टाचे न्यायाधीश आणि कर्मचारी: “आम्हाला कोर्टात खेचताय? बरंय, आम्ही तिथेच काम करतो”

“SEE YOU IN COURT”
“Ok cool, that is where we work, so it is very convenient for us”

— Chase Mitchell (@ChaseMit) February 10, 2017

“तुम्ही न्यायव्यवस्थेलाच कोर्टात खेचताय? बSSरं”

are u.. are u gonna sue the judicial branch https://t.co/a7ZW9xUliJ

— jomny sun (@jonnysun) February 9, 2017

हा मुद्दा आहे तो स्थलांतरितांचा, अमेरिकेत येणाऱ्या जगातल्या जवळजवळ सगळ्या स्थलांतरितांचा, विशेषत: मेक्सिकन आणि मुस्लिमांचा दु:स्वास करत सत्तेवर आलेल्या ट्रम्प यांनी अध्यक्षपदावर आल्याच्या पहिल्याच आठवड्यात सात मुस्लीम देशांमधल्या नागरिकांना अमेरिकेत सरसरकट प्रवेशबंदीचा वटहुकूम काढला. परदेशी वंशाच्या पण अमेरिकन नागरिकत्व धेतलेल्या आणि ग्रीन कार्डधारकांनाही अमेरिकन विमानतळांवर अडवणूक होत होती. या वटहुकूमाला कायदेशीर आधार नव्हता आणि फक्त परदेशी नागरिकांना अमेरिकेत यायला बंदी घालणं या एकाच हेतूने त्यांनी हा वटहुकूम काढला होता. अमेरिकेतल्या अनेक कनिष्ठ न्यायालयांनी या वटहुकूमाला स्थगिती दिली. त्यामुळे चिडून ट्रम्प यांनी एका न्यायाधीशाची हकालपट्टीही केली. न्यायव्यवस्थेवर राज्यव्यवस्थेने केलेलं हे सरळसरळ आक्रमण मानलं गेलं. कुठल्याही लोकशाही राजकीय संकेतांच्या पलीकडे जाणारी ही कृती होती. आपल्या हुकूमशाही वागण्याने ट्रम्प यांनी मिळवलेला हा तात्पुरता विजय होता कारण अमेरिकेच्या फेडरल कोर्टाने ट्रम्प यांच्या या वटहुकूमावर पुन्हा एकदा स्थगिती आणल्याने ट्रम्प आणि त्यांच्या साथीदारांचा प्रचंड जळफळाट झालाय. आता ते याविरोधात अमेरिकन सुप्रीम कोर्टात जाणार आहेत. याविषयी त्यांनी ट्वीट केलं आहे. पण हेही मांडण्याची एक तऱ्हा असते. एखाद्या साध्यासुध्या माणसाला कोर्टात खेचायची धमकी द्यावी तशा आवेशात ‘तुला कोर्टात पाहून घेईन’ अशी स्वरूपाची धमकी ट्रम्प यांनी अमेरिकन फेडरल कोर्टाला दिली आहे. हे एका अर्थाने भयानक असलं तरी यामुळे ट्रम्प यांची आणखी टवाळी होते आहे.