Viral video: रस्ते अपघातांचे अनेक व्हिडीओ सोशल मीडियावर व्हायरल होत असतात. यामध्ये काही अपघात हे वाहन चालकाच्या चुकीमुळे होताना दिसतात, तर काही अपघात हे दुसऱ्याच्या चुकीमुळे घडत असतात. असाच एक व्हिडीओ सोशल मीडियावर समोर आला आहे, जो अक्षरश: अंगावर काटा आणत आहे. हा व्हिडीओ एक उदाहरण म्हणूनदेखील समोर आला आहे, ज्याला पाहून तुम्ही गाडी चालवताना किती सतर्क राहायला पाहिजे हे दाखवत आहे. हल्ली अपघाताचं प्रमाण मोठ्या प्रमाणात वाढलं आहे. नुकताच एक व्हिडीओ समोर आला आहे त्यामध्ये एका कारचालकाने चक्क एका चहाच्या दुकानात कार घुसवली आहे. या भीषण अपघाताचा व्हिडीओ सध्या सोशल मीडियावर व्हायरल होत आहे. मिळालेल्या माहितीनुसार हा अपघात उल्हासमगरमध्ये घडल्याचं समोर आलं आहे. उल्हासनगरच्या कॅम्प क्रमांक ३ येथील ईगल हॉटेलजवळ असलेल्या बालाजी टी हाऊस येथे ही दुर्घटना घडली आहे. या व्हिडीओमध्ये तुम्ही पाहू शकता, एक लाल रंगाची कार या दुकानात घुसली आहे. कारचालकाच कारवरील नियंत्रण सुटल्यामुळे हा अपघात झाल्याचं बोललं जात आहे. कारच्या पुढच्या भागाचा संपूर्णपणे चुरा झालेला दिसत आहे. कार अपघातानंतर दुकानात आणि दुकानाबाहेर उपस्थित असलेल्या लोकांचीही पळापळ झाली. दरम्यान या अपघातामध्ये एक जण जखमी झाला आहे. या जखमीवर रुग्णालयात उपचार सुरु आहेत. यानंतर घटनेची माहिती मिळताच स्थानिक पोलिसांनी घटनास्थळी धाव घेत संपूर्ण प्रकरणाची चौकशी करत असल्याचं सांगितलं आहे. पाहा व्हिडीओ हेही वाचा >> हरणाने दाखवलं मगरीला अस्मान! तावडीतून असा सुटला की, थेट मगरच तोंडावर आपटली! Video एकदा बघाच सोशल मीडियावर दररोज अपघातांशी संबंधित व्हिडीओ शेअर केले जातात. ज्यातील काही व्हिडीओ पाहिल्यानंतर सर्वांनाच धक्का बसतो. हे अपघात टाळण्यासाठी एकच उपाय आहे, तुम्ही सदैव सावध राहा. सोशल मीडिया अकाउंटवरून हा व्हि़डीओ पोस्ट करण्यात आला असून, या व्हिडीओला लोक वारंवार पाहात आहेत. तसेच हा व्हिडीओ सोशल मीडियावर जोरदार व्हायरल झाला आहे.
