Viral Video : लग्न हा प्रत्येकाच्या आयुष्यातील एक महत्त्वाचा टप्पा असतो. लग्नानंतर दोन व्यक्तीचे आयुष्य बदलते. विशेषत: मुलींचे आयुष्य बदलते. कारण लग्नानंतर त्यांना आईवडिलांचे घर सोडून सासरी जावं लागतं. हा क्षण मुलीसाठी आणि तिच्या कुटुंबातील लोकांसाठी खूप भावनिक असतो. सध्या असाच एक व्हिडीओ व्हायरल होत आहे. या व्हिडीओमध्ये आईवडील कन्यादान करताना दिसत आहे. कन्यादान करताना नवरीचे अश्रु अनावर होताना दिसतात.
हा व्हायरल व्हिडीओ एका लग्नसमारंभातील आहे. या व्हिडीओमध्ये तुम्हाला आईवडील मुलीचे कन्यादान करताना दिसत आहे. या क्षणी नवरी भावुक होते आणि रडू लागते. तेव्हा आईवडिलांसह इतर नातेवाईक तिला धीर देतात. हा व्हिडीओ पाहून काही मुलींना त्यांच्या लग्नातील कन्यादानाचा क्षण आठवेल तर काही पालकांना त्यांच्या मुलीची आठवण येईल.
कन्यादान हा हिंदू धर्मातील विवाह सोहळ्यातील एक महत्त्वाचा विधी आहे. यात वधूचे आई वडील आपल्या मुलीला वराच्या हातात सोपवतात म्हणजेच मुलीची जबाबदारी वराला देतात. याचाच अर्थ तिचे कन्यादान करतात. हा विधी एका मुलीच्या आणि आईवडिलांच्या आयुष्यातील एक भावनिक क्षण असतो.
पाहा व्हायरल व्हिडीओ
swastis_makeover या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओवर कॅप्शनमध्ये लिहिलेय, “प्रत्येक मुलीच्या आयुष्यातील सर्वात कठीण क्षण” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “हे दु:ख फक्त आई वडिल आणि मुलगी समजू शकते” तर एका युजरने लिहिलेय, “माझ्या आयुष्यातील सर्वात मोठा कठीण क्षण आहे की माझ्या कन्यादानाला माझी आई आहे पण माझे बाबा नाही” आणखी एका युजरने लिहिलेय, “मी हे दु:ख समजू शकते” एक युजर लिहितो, “हा दिवस प्रत्येक मुलीसाठी खूप भावनिक असतो.” तर एक युजर लिहिते, “मी माझ्या बाबाला या क्षणी खूप मिस करणार” अनेक युजर्सनी या व्हिडीओवर हार्टचे इमोजी शेअर केले आहेत.
यापूर्वी असे अनेक व्हिडीओ लग्नातील व्हायरल झाले आहे. कन्यादान करताना कधी मुलीच्या कुटुंबातील मंडळी तर कधी नवरी भावुक होताना दिसले आहे.
