Viral Video: सोशल मीडियावर डान्स, गाणी, अभिनय करणाऱ्या अनेक कलाकारांचे रील्स व्हायरल होत असतात. त्यातील अनेक जण त्यांच्यातील कलेमुळे खूप चर्चेत येतात आणि प्रसिद्ध होतात. प्रसिद्धी मिळाली की, त्यांच्या कलेला खऱ्या अर्थाने वाव मिळतो. अगदी लहान चिमुकल्यांपासून ते मोठ्यांपर्यंत प्रत्येक वयोगटातील व्यक्तींचा यात समावेश असतो. सध्या यावर एका कुटुंबाचा डान्स व्हिडीओ तुफान व्हायरल होतोय, जो पाहून तुम्हीही अवाक् व्हाल.
मराठी चित्रपटसृष्टीतील सुप्रसिद्ध गायक आनंद शिंदे यांचे १९८८ साली गायलेलं ‘जवा नवीन पोपट हा’ आजही लोकप्रिय गाणं आहे. त्या गाण्याची लोकप्रियता आजही कमी झालेली नाही. हल्ली सोशल मीडियावर अनेकजण या गाण्यावर डान्स, अभिनय करताना दिसतात. सध्या व्हायरल होत असलेल्या व्हिडीओतही या गाण्यावर संपूर्ण कुटुंब डान्स करताना दिसत आहे.
या व्हायरल व्हिडीओमध्ये तुम्ही पाहू शकता की, एका घरामध्ये आई-वडिल आणि त्यांचा लहान मुलगा ‘जवा नवीन पोपट हा’या गाण्यावर जबरदस्त डान्स करत आहेत. या तिघांच्या प्रत्येक डान्स स्टेप्स आणि चेहऱ्यावरील हावभावह लक्ष वेधून घेत आहेत. त्यांचा हा भन्नाट डान्स सोशल मीडियावरही खूप व्हायरल होत आहे.
पाहा व्हिडीओ:
हा व्हिडीओ इन्स्टाग्रामवरील @kakade.sanjay या अकाउंटवर शेअर करण्यात आला असून, या व्हिडीओला आतापर्यंत पाच मिलियनहून अधिक व्ह्युज आणि चार लाखाहून अधिक लाइक्स मिळाल्या आहेत. तसेच या व्हिडीओवर अनेक युजर्स कमेंट्स करताना देखील दिसत आहेत.
एका युजरने लिहिलंय की, “खतरनाक… १० वेळा बघितला लागोपाठ”, तर दुसऱ्या युजरने लिहिलंय की, “जेव्हा ३६ पैकी ३६ गुण जुळतात”, तर तिसऱ्याने लिहिलंय की, “एकच नंबर डान्स केला तिघांनी”
