Viral Video: हल्ली लूटमारीच्या, चोरीच्या गुन्ह्यांची संख्या वाढतच चालली आहे. चोर चोरी करण्यासाठी नवनवीन षडयंत्रे आखून चोरी करतात. पण, वाईट कर्माचे फळ कधी ना कधी मिळतेच. कितीही चलाख चोर असला तरी तो पोलिसांच्या तावडीतून सुटत नाही. आता असाच एक व्हिडीओ सोशल मीडियावर खूप व्हायरल होतोय, ज्यात चोरी करण्यासाठी आलेल्या चोराला एक व्यक्ती अडवताना दिसतोय.
दोन वेळचे पोटभर अन्न मिळविण्यासाठी प्रत्येक जण कष्ट करीत असतो. कष्ट करताना आलेल्या अडचणी, त्रास या सर्व गोष्टी सहन करण्याची ताकद अनेकांमध्ये असते. अनेक गरीब, अपंग व्यक्तीही काही ना काहीतरी काम करून पैसे कमावतात. खरे तर, माणूस पैसा किती कमावतो यापेक्षा तो समाजात जगताना स्वाभिमान तर गहाण ठेवत नाही ना हे लक्षात घेणे अधिक महत्त्वाचे असते. पण, समाजात असे काही लोक आहेत, जे शरीराने धडधाकट असूनही फक्त जास्त पैसा कमावून श्रीमंत होण्यासाठी चोरी, लूटमार करतात. सोशल मीडियामुळे असे अनेक प्रकार वारंवार आपल्यासमोर येत असतात. आताही अशीच एक घटना समोर आल्याचे पाहायला मिळत आहे.
या व्हायरल व्हिडीओमध्ये तुम्ही पाहू शकता, एका रस्त्यावरून एक बाईकस्वार जात असून यावेळी त्याच्या मागून दुसऱ्या बाईकवरून दोन चोर येतात आणि त्या व्यक्तीला अडवतात. यावेळी चोर त्या व्यक्तीला चाकूचा धाक दाखवून दूर जायला सांगतो आणि त्याच्या बाईकवर बसतो. इतक्यात त्याच रस्त्यावर उभ्या असलेल्या एका कारमधून एक व्यक्ती बाहेर येते आणि चोराच्या अंगावर उडी मारून त्याला खाली पाडतो. हे पाहून दुसरा चोर तिथून पळ काढतो. सध्या त्यांचा हा व्हिडीओ सोशल मीडियावर खूप व्हायरल होत आहे.
पाहा व्हिडीओ:
हा व्हिडीओ इन्स्टाग्रामवरील @ravi__madkar या अकाउंटवर शेअर करण्यात आला आहे. या व्हिडीओला आतापर्यंत एक दशलक्षाहून अधिक व्ह्युज आणि लाखो लाइक्स मिळाल्या आहेत. युजर्सही या व्हिडीओवर अनेक कमेंट्स करीत आहेत. एकानं लिहिलंय, “रिअल लाइफ हीरो”, तर दुसऱ्यानं लिहिलंय, “कडक भावा”, तर तिसऱ्यानं लिहिलंय, “प्रत्येकानं असं केलं, तर चोरांची हिम्मत होणार नाही”.
