Viral Video:… आणि अवघ्या काही सेकंदांमध्ये त्या महिला जवानांनी बोलेरो गाडीच उचलली

व्हायरल झालेल्या व्हिडिओमध्ये महिंद्रा अॅण्ड महिंद्रा कंपनीची बोलेरो ही चारचाकी गाडी रस्त्याच्याकडेला असणाऱ्या खड्ड्यामध्ये अडकल्याचे दिसते. ही गाडी सुरक्षादलांच्या ताफ्यामधील असून एका जंगली भागातून जाणाऱ्या रस्त्याच्याकडेला ती अडकल्याचे दिसत आहे. ही गाडी आधी रेस करुन बाहेर काढण्याचा प्रयत्न केला जातो मात्र तो यशस्वी होत नाही. अखेर नागा महिला बटालियनच्या पाच ते सहा महिला जवान या गाडीचा पुढचा अडकलेला भाग उचलण्यासाठी पुढे सरसावतात. एका दमात त्या गाडीचा खड्ड्यामध्ये अडकलेला भाग उचलतात गाडी रेस करुन ती मागे घेऊन पुन्हा रस्त्यावर येते. त्यानंतर या महिला जवान आनंद साजरा करताना या व्हिडिओत दिसत आहेत.

Naga women Battalion lifting a Mahindra Bolero from the side drain! An old video which needs to be seen by more people. @anandmahindra⁩ ⁦@manoj_naandi⁩ ⁦@KirenRijiju⁩ ⁦@AmitShah@smritiirani pic.twitter.com/XivppAcGBi
— Mmhonlumo Kikon (@MmhonlumoKikon) August 27, 2019

हा व्हिडिओ पाहून महिंद्रा अॅण्ड महिंद्राचे सर्वेसर्वा आनंद महिंद्राही प्रभावित झाले आहेत. त्यांनाही हा व्हिडिओ कोट करुन रिट्विट केला आहे. आपल्या ट्विटमध्ये ते म्हणतात, ‘ही बोलेरो गाडी तिथे कशी गेली मला ठाऊक नाही. मात्र ही गाडी बाहेर काढण्यासाठी काही सक्षम महिला सैनिक तेथे होत्या याचा आनंद आहे,’ असं मत व्यक्त केलं आहे. तसेच या ट्विटच्या शेवटच्या ओळीत त्यांनी मजेदारपद्धतीने या महिलांचे कौतुक केले आहे. ‘हा व्हिडिओ पाहिल्यावर मी नागा महिला बटालियनसमोर उभाही राहणार नाही,’ असं महिंद्रा म्हणाले आहेत.

Now I don’t know why the Bolero was in the ditch but I certainly am glad a few able-bodied women were around to rescue it! And yes, I’m never going to be foolish enough to take on a Naga Women Battalion! @MmhonlumoKikon https://t.co/Rmsviy20jd
— anand mahindra (@anandmahindra) August 28, 2019

दरम्यान, सोशल नेटवर्किंगवर या व्हिडिओची चर्चा असली तरी नक्की ही घटना कधी आणि कुठे घडली याबद्दलची माहिती समोर आलेली नाही.