‘एक नंबर तुझी कंबर’ गाण्यावर विद्यार्थिनीचा वर्गात डान्स; VIDEO पाहून नेटकरीही म्हणाले, “हिचा स्वॅगच वेगळा…”

हल्लीची ही मुलं सोशल मीडियावरील बदलत्या ट्रेंडनुसार वागताना, बोलताना दिसतात. मोठ्यांप्रमाणेच लहान मुलंदेखील सोशल मीडियाच्या माध्यमातून आपली कला सादर करताना दिसतात. आतापर्यंत आपण अनेक व्हायरल व्हिडीओ पाहिले आहेत. दरम्यान, आता एका शाळेतील विद्यार्थिनीचा डान्स व्हायरल होत आहे.

या व्हायरल व्हिडीओमध्ये तुम्ही पाहू शकता, एका शाळेतील वर्गामध्ये एक विद्यार्थिनी एक नंबर तुझी कंबर या गाण्यावर सुंदर डान्स करताना दिसतेय. यावेळी तिच्या चेहऱ्यावरील हावभाव आणि डान्स स्टेप्स पाहून तुम्हीदेखील तिचं कौतुक कराल. सध्या तिचा हा डान्स व्हिडीओ सोशल मीडियावर खूप व्हायरल होत आहे.

पाहा व्हिडीओ:

हा व्हिडीओ इन्स्टाग्रामवरील @choreo_of_xu या अकाउंटवरून शेअर करण्यात आला आहे. त्याला आतापर्यंत दोन मिलियनहून अधिक व्ह्युज आणि हजारो लाइक्स मिळाल्या आहेत. त्यावर अनेक युजर्स कमेंट्स करीत आहेत. एका युजरने कमेंटमध्ये लिहिलेय, “छान नाचलीस ताई”, आणखी एकाने लिहिलेय, “सर्वात भारी केलं हिने”, आणखी एकाने लिहिलेय, “एक नंबर डान्स केला.”