वसई : वसईच्या माणिकपूर येथील एका इमारतीच्या बंद घरात तीन जणांचे मृतदेह आढळून आले आहेत. रविवारी दुपारी ही घटना उघडकीस आली. गॅस गळती झाल्यामुळे या तिघांचा मृत्यू झाला असल्याची प्राथमिक शक्यता पोलिसांनी वर्तवली आहे.

वसई पश्चिमेच्या माणिकपूर परिसरातील नौपाडा येथे आशा सदन नावाची दोन मजली इमारत आहे. रविवारी दुपारी या इमारतीमधून एका घरातून गॅसचा वास येऊ लागला होता. त्यामुळे शेजाऱ्यांनी पोलिसांना माहिती दिली. माणिकपूर पोलिसांनी घराचे दार तोडून उघडले असता तीन तरुणांचे मृतदेह आढळून आले. यापैकी हॉलमध्ये दोन मृतदेह तर एक मृतदेह स्वयंपाकघरात आढळून आला. मृतांपैकी एकाची ओळख पटली असून त्याचे नाव मोहम्मद आझम असे आहे. मोहम्मद आझम याचा फळ विक्रीचा व्यवसाय आहे हे सर्व मयत ३० ते ३५ वयोगटातील आहेत.

yavatmal, Cows Die After Eating Stale Food, karykarta s Birthday Party, election Campaign Rally, pandharkawada taluka, yavatmal district, yavatmal news, maha vikas aghadi, lok sabha election, election campaign, sanjay deshmukh, marathi news, yavatmal news,
शिळे अन्न खाल्ल्याने सहा गायींचा मृत्यू, वाढदिवसाचे भोजन जनावरांच्या जीवावर बेतले; पांढरकवडा तालुक्यातील घटना
Animals, birds, heat stroke, Mumbai metropolis,
मुंबई महानगरात प्राणीपक्ष्यांना उष्मघाताचा त्रास, दिवसाला शंभरच्या आसपास पक्षीप्राणी जखमी
Villager died in tiger attack
वाघाच्या हल्ल्यात गावकरी ठार, सहा वर्षांत ४२१ जण मृत्युमुखी
clemen lobo arrested after 36 years in salim cassetwala murder case
वसईतील प्रसिध्द सलीम कॅसेटवाला हत्या प्रकरण; फरार आरोपी क्लेमेन लोबोला ३६ वर्षांनी अटक

हेही वाचा – वसईत वाहतूक पोलिसावर हल्ला; दुचाकीस्वार फरार, पोलिसांकडून शोध सुरू

घरातील गॅस सुरू होता. त्यामुळे गॅस गळतीमुळे तिघांचा गुदमरून मृत्यू झाला असावा अशी माहिती माणिकपूर पोलीस ठाण्याचे वरिष्ठ पोलीस निरीक्षक राजू माने यांनी दिली. आम्ही घराचा पंचनामा केला आहे. प्रथमदर्शनी कुठलीही गोष्ट संशयास्पद वाटत नाही. गॅस सुरू असल्याचे दिसून आले. आम्ही मृतदेह शवविच्छेदनासाठी पाठवले आहेत. गॅस सुरू राहिला असावा आणि त्यामुळेच तिघांचा गुदमरून मृत्यू झाला असावा अशी माहिती माणिकपूर पोलीस ठाण्याचे पोलीस निरीक्षक संतोष चौधरी यांनी दिली.

हेही वाचा – मिरा रोड मधील दंगली नंतर सामाजिक सलोख्याचे प्रयत्न सुरू; दोषींवर कठोर कारवाई करण्याचे पोलीस आयुक्तांचे आश्वासन

मृतांच्या कुटुंबीयांना संपर्क करण्यात आला असून हे सर्व उत्तर प्रदेशातील राहणारे आहेत. मे महिन्यात ते या इमारतीत भाड्याने राहण्यासाठी आले होते.