पुणे : सोशल डिस्टंसिंगचे पालन करत पार पडली मनपाची सर्वसाधारण सभा

करोना विषाणू संसर्गाच्या पार्श्वभूमीवर मागील जवळपास अडीच महिन्यांपासून पुणे महानगरपालिकेची सर्व साधारण सभा झाली नव्हती. महापालिका अधिनियम कायद्यानुसार तीन महिन्यात सर्व साधारण सभा न झाल्यास नगरसेवक पद जाण्याची शक्यता असते. या पार्श्वभूमीवर आज पुणे महापालिकेत सर्व साधारण सभा पार पडली. महपौर मुरलीधर मोहोळसह सर्व नगरसेवक व अधिकाऱ्यांनी सभागृहात येण्याअगोदर सॅनिटायझरने हात स्वच्छ केले. तसेच स्क्रीनिंग देखील करून घेतल्याचे दिसून आले.