करोनाचे मृत्यू दडवले जात असल्याच्या आरोपावर आरोग्यमंत्र्यांनी दिलं उत्तर

करोनाच्या मृत्यूंची संख्या लपवली जात असल्याचा विरोधकांचा आरोप राज्याचे आरोग्यमंत्री राजेश टोपे यांनी फेटाळून लावला आहे. महाविकासआघाडीचे नेते म्हणून मुख्यमंत्री उद्धव ठाकरे, उपमुख्यमंत्री अजित पवार या सर्वांचं मत आहे की, राज्यातील जनतेपासून कोणतीही गोष्ट लपवायची नाही. अत्यंत पारदर्शकता व प्रामाणिकता हाच महाविकासआघाडीचा सगळ्यात महत्वाचा धर्म म्हणून आपण काम करत आहोत. त्यामुळे कुठलाही मृत्यू लपवण्याचं कारण नाही. राज्य शासनाचा हेतू स्वच्छ आहे, असं त्यांनी स्पष्ट केलं आहे.