Ganpati Visarjan Update: कर्जतमध्ये उल्हास नदीत बुडालेल्या तिघांचा मृत्यू, एकाला वाचवण्यात यश
रायगडच्या कर्जत तालुक्यातील चांदई येथे उल्हास नदीत गणेश विसर्जनासाठी उतरलेले चार जण बुडाले होते. यापैकी रोहन रंजन याला वाचवण्यात यश आलं आहे, तर बचाव पथकाने उरलेल्या तिघांपैकी दोन मृतदेह बाहेर काढले आहेत. मात्र, अद्याप एका मृतदेहाचा शोध सुरू आहे. दरम्यान, बचाव पथक उल्हास नदीच्या खोल पात्रात आणि वेगवान प्रवाहात सर्व अत्याधुनिक यंत्रणा वापरून शोध मोहीम राबवित आहेत.
