News Flash

मुख्यमंत्र्यांच्या ‘वर्षां’ प्रवेशाला पुढच्या आठवडय़ातील मुहूर्त!

मुख्यमंत्र्यांचे ‘वर्षां’ निवासस्थान नवीन मुख्यमंत्र्यांच्या स्वागतासाठी सज्ज होत असून त्यांचा मुक्काम पुढील आठवडय़ात तेथे हालविला जाण्याची शक्यता आहे.

| November 2, 2014 03:31 am

मुख्यमंत्र्यांचे ‘वर्षां’ निवासस्थान नवीन मुख्यमंत्र्यांच्या स्वागतासाठी सज्ज होत असून त्यांचा मुक्काम पुढील आठवडय़ात तेथे हालविला जाण्याची शक्यता आहे. नूतनीकरणावर फार खर्च करण्यास मुख्यमंत्री देवेंद्र फडणवीस फारसे अनुकूल नाहीत. त्यामुळे सरकारच्या काटकसरीचे धोरण जपण्यासाठी ज्या सुविधा उपलब्ध आहेत, त्या तशाच ठेवून ‘वर्षां’ निवासस्थानी मुक्काम हालविण्याचा फडणवीस यांचा विचार आहे.
माजी मुख्यमंत्री पृथ्वीराज चव्हाण यांनी दोन दिवसांपूर्वी निवासस्थान सोडल्यानंतर आता साफसफाई व डागडुजीचे काम सुरु आहे. ते दोन दिवसांत पूर्ण झाल्यावर मुख्यमंत्री फडणवीस हे कुटुंबियांसमवेत मंगळवारी तेथे भेट देऊन पाहणी करतील. त्यांना ज्या बाबींमध्ये बदल हवा आहे, नवीन रंग द्यायचा आहे, दुरुस्तीची कामे व नूतनीकरण करायचे आहे, ते पाहून लवकरात लवकर ती कामे पार पाडली जातील. त्यामुळे सुयोग्य मुहूर्त पाहून पुढील आठ-दहा दिवसांत नवीन मुख्यमंत्री वर्षां निवासस्थानी दाखल होतील, असे सूत्रांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 2, 2014 3:31 am

Web Title: devendra fadnavis will be in varsha bungalow next week
टॅग : Devendra Fadnavis
Next Stories
1 सेनेशी चर्चा होत असल्याने खातेवाटप थांबले
2 सत्ता जाताच काँग्रेस आक्रमक
3 १० हजार कोटींच्या कृषीपंप सवलतीचे काय करायचे?
Just Now!
X