डॉ. पायल तडवी आत्महत्या

बॉलीवूडमध्ये ‘राजकीय’ दुफळी

सत्तेशी जवळीक न साधता लोकशाही वृत्तीने आणि मुद्दय़ांसाठी सत्ताधाऱ्यांवर टीका करण्याचा कलाकारांनी घेतलेला पवित्रा यंदा बॉलीवूडमध्ये दुफळी निर्माण करणारा ठरला. कलेचे पाईक म्हणवणारी ही मंडळी एकमेकांच्या विरोधात उभी ठाकलेली पाहायला मिळाली. अपर्णा सेन, शुभा मुद्गल, अनुराग कश्यप, श्याम बेनेगल, कोंकणा सेन-शर्मा अशा बुद्धिजीवी म्हणून ओळख असलेल्या कलाकारांनी झुंडशाहीविरोधात भूमिका घेतली. त्यांनी पंतप्रधान नरेंद्र मोदी यांना पत्र लिहून ही झुंडशाही त्वरित थांबवण्याची मागणी केली होती. धर्मनिरपेक्ष आणि लोकशाही मूल्ये बाळगणाऱ्या आपल्या देशात प्रत्येक धर्माच्या नागरिकाला समान हक्क असल्याचे नमूद करत- ‘दंगे करणाऱ्यांविरोधात नुसते बोलून उपयोगाचे नाही, तर त्यांना कडक शिक्षा केली पाहिजे,’ असे या पत्रात म्हटले होते. मात्र ही भूमिका मांडणाऱ्या या ४९ कलाकारांना देशद्रोही ठरवून त्यांच्यावर गुन्हे दाखल करण्यात आले. हे सगळे इथवरच थांबले नाही, तर बॉलीवूडमधून त्यांना पाठिंबा देण्यासाठी कोणीही पुढे आले नाहीच; पण स्वत:ला बुद्धिजीवी म्हणवणाऱ्या या कलाकारांच्या गटाने राजकीय हेतूने हे पत्र लिहिले आहे, असा आरोप करत कंगना राणावत, प्रसून जोशी, मधुर भांडारकर अशा अन्य चित्रपटकर्मीची फळी त्यांच्याविरोधात उभी ठाकली. दुफळी निर्माण करणारे नामानिराळेच राहिले.

संकलन : महेश सरलष्कर, संतोष प्रधान, निशांत सरवणकर,प्राजक्ता कदम, सौरभ कुलश्रेष्ठ, जयेश शिरसाट, रेश्मा राईकवार, शफी पठाण, रविंद्र जुनारकर, राखी चव्हाण, मंगेश राऊत, रसिका मुळ्ये, शैलजा तिवले, सुहास जोशी, सुशांत मोरे, प्रथमेश गोडबोले, दिगंबर शिंदे