News Flash

१२० क्विंटल तांदूळ जप्त

काळ्या बाजारात नेण्यात येत असलेला रास्तभाव दुकानातील १२० क्विंटल तांदूळ सेनगाव पोलिसांनी जप्त करून आरोपी वाहनचालक जमशेद अली व शेख समीर यांना अटक केली. मंगळवारी

| March 14, 2013 02:41 am

काळ्या बाजारात नेण्यात येत असलेला रास्तभाव दुकानातील १२० क्विंटल तांदूळ सेनगाव पोलिसांनी जप्त करून आरोपी वाहनचालक जमशेद अली व शेख समीर यांना अटक केली. मंगळवारी पहाटे साडेचारच्या सुमारास ही कारवाई करण्यात आली.
पोलीस अधीक्षक सुधीर दाभाडे यांनी सांगितले की, सोमवारी जिल्ह्य़ात सर्वत्र नाकेबंदी केली होती. रिसोडकडून सेनगावकडे येणारी मालमोटार (एमएच २४ एफ ९२६६)  नाकेबंदीवर असलेल्या सेनगाव पोलिसांनी अडविली व मालमोटारीची तपासणी केली असता १२० क्विंटल रास्तभाव दुकानाचा तांदूळ आढळला. रास्तभाव दुकानातील तांदूळ सोनू पंचारी (लोणी, तालुका रिसोड, जिल्हा वाशिम) यांच्या दुकानातील आहे. हा तांदूळ रिसोड येथून भरला. तो नांदेड येथील महाराष्ट्र औद्योगिक विकास महामंडळाच्या गोदामात टाकण्यासाठी घेऊन जात असल्याची कबुली आरोपींनी दिल्याचे दाभाडे यांनी सांगितले. निरीक्षक सी. पी. काकडे यांनी आरोपींविरुद्ध गुन्हा नोंदवून अटक केली. दोघांना सेनगावच्या प्रथमवर्ग दंडाधिकाऱ्यांसमोर उभे केले असता १५ मार्चपर्यंत पोलीस कोठडी देण्यात आली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 14, 2013 2:41 am

Web Title: 120 quental rice impound
टॅग : Arrest
Next Stories
1 शेती व्यवसायास पशुपालनाची जोड फलदायी – दांडेगावकर
2 ‘रात्रीची गस्त वाढवून भरारी पथके नेमावीत’
3 ‘मजुरांचे स्थलांतर थांबविण्यास हिंगोलीत रोहयोची कामे व्हावीत’
Just Now!
X