News Flash

एस. टी. च्या २ अधिकाऱ्यांवर बसचालकाचा कोयत्याने हल्ला

महामंडळाकडून मानहानीकारक वागणूक मिळाल्याने राग अनावर झालेल्या एस. टी. बसचालक केरबा नरवटे यांनी विभाग नियंत्रक कार्यालयात दोन अधिकाऱ्यांवर कोयत्याने हल्ला केला.

| December 21, 2013 01:50 am

महामंडळाकडून मानहानीकारक वागणूक मिळाल्याने राग अनावर झालेल्या एस. टी. बसचालक केरबा नरवटे यांनी विभाग नियंत्रक कार्यालयात दोन अधिकाऱ्यांवर कोयत्याने हल्ला केला. या प्रकारामुळे कार्यालयात खळबळ उडाली. बसचालकास अटक करण्यात आली.
लातूर तालुक्यातील भातखेडा येथे चालक केरबा नरवटे यांच्याकडून १७ डिसेंबरला अपघात घडला. त्यामुळे त्यांना विभाग नियंत्रक कार्यालयात प्रशिक्षण दिले जात होते. मात्र, महामंडळाकडून आपल्याला मानहानीकारक वागणूक दिली जात असल्याचा समज करून घेत राग अनावर झाल्याने नरवटे यांनी गुरुवारी दुपारी सव्वादोनच्या सुमारास दारूच्या नशेत दोन अधिकाऱ्यांवर कोयत्याने हल्ला केला. यात एकाच्या हाताला दुखापत झाली. या प्रकारामुळे अधिकारी व कर्मचाऱ्यांत भीतीचे वातावरण पसरले.
हल्ल्यातील जखमी व्ही. व्ही. भंडे यांच्या तक्रारीवरून नरवटे यांना अटक करण्यात आली. विभाग नियंत्रक डी. बी. माने यांच्यावरच हल्ला करण्याच्या हेतूने नरवटे कार्यालयात आलेले होते. मात्र, त्यांच्या कक्षातील गर्दी पाहून इतर २ अधिकाऱ्यांवर त्यांनी हल्ला केल्याची चर्चा आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 21, 2013 1:50 am

Web Title: attacked on st officer driver latur
टॅग : Driver,Latur
Next Stories
1 भुयारी गटार योजनेस ३६५ कोटी मंजूर
2 दूषित पाण्यामुळे लातुरातील ७० गावांचे आरोग्य धोक्यात!
3 स्थायी समिती सभापतिपदी काँग्रेसचे पवळे बिनविरोध
Just Now!
X