News Flash

एकत्र न राहणारे भाऊ जनतेला कसे न्याय देतील?

एकत्र राहू न शकणारे भाऊ जनतेला काय न्याय देणार, अशी टीका भाजपच्या नेत्या व केंद्रीय मंत्री उमा भारती यांनी येथे आयोजित प्रचार सभेत राज व

| October 14, 2014 07:04 am

एकत्र राहू न शकणारे भाऊ जनतेला काय न्याय देणार, अशी टीका भाजपच्या नेत्या व केंद्रीय मंत्री उमा भारती यांनी येथे आयोजित प्रचार सभेत राज व उद्धव या ठाकरे बंधूंवर नाव न घेता केली. अहंकाराने राजकारण करता येत नाही. नम्रता आणि शालीनता हे गुण राजकारणासाठी आवश्यक असल्याचा टोलाही त्यांनी हाणला.
येथील शनि पटांगणात आयोजित सभेत उमा भारती यांनी शिवसेना, मनसे, काँग्रेस, राष्ट्रवादी या सर्वावर टीकास्त्र सोडले. आघाडी सरकारने भ्रष्टाचाराचा उच्चांक गाठला आहे. त्यामुळे जनतेला मूलभूत गरजाही मिळेनासे झाले आहे. भाजप नदीजोड प्रकल्प राबविणार आहे. त्याचा शेतकऱ्यांना लाभ होईल, असे त्यांनी नमूद केले. सेना-भाजप युती तुटल्याचे दु:ख आपणासही आहे. बाळासाहेब ठाकरे हे आपणांस वडिलांसमान होते. त्यांचे आशीर्वाद आपण घेतले असून आजही त्यांच्याविषयी आदर आहे. परंतु त्यांच्या घरातील भाऊ एकसंध राहू शकत नाहीत. ते जनतेला काय न्याय देणार, असा प्रश्न उमा भारती यांनी केला. आपापसातील राग आमच्यावर काढू नये, असेही त्यांनी सुनावले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 14, 2014 7:04 am

Web Title: brothers who cant live together how can they give justice to the people uma bharti
टॅग : Nashik
Next Stories
1 ‘औद्योगिक विकासाची महाराष्ट्रालाही संधी’
2 दुकानदाराच्या दक्षतेने दागिने चोरणाऱ्या महिलांना अटक
3 माजी आमदारांच्या उमेदवारीने लढतींमध्ये चुरस
Just Now!
X