‘नाटय़ाभिमानी’ संस्थेतर्फे आयोजित शशी जोशी स्मृती अभिनय स्पर्धेत अंतिम फेरीसाठी निवड झालेल्या सात नाटिकांमधून ‘फेस टू फेस’ या नाटिकेने प्रथम क्रमांकाचे पारितोषिक पटकाविले. या स्पर्धेची अंतिम फेरी अलीकडेच गडकरी रंगायतन येथे मोठय़ा उत्साहात पार पडली. या वेळी अभिनेत्री विशाखा सुभेदार प्रमुख पाहुण्या म्हणून उपस्थित होत्या. याखालोखाल ‘सूर्य शक्तीचा विजय असो’ नाटिकेने द्वितीय, तर ‘वुई आर फॅमिली’ नाटिकेने तृतीय क्रमांक, सवरेत्कृष्ट दिग्दर्शनासाठी स्निग्धा सबनीस यांनी प्रथम, तर रुचिता पाटणकर यांनी द्वितीय क्रमांकाचे पारितोषिक पटकाविले. सवरेत्कृष्ट अभिनयासाठी मुलांमधून ऋग्वेद बापट यास प्रथम, तर प्रथमेश कवडे व अर्चना शर्मा यांना द्वितीय क्रमांक व मुलींमधून सानिका जोशी हिने प्रथम, तर सई जोशी व ऋचा पेंडसे यांनी द्वितीय क्रमांक पटकाविला.‘भातुकलीचा खेळ’ या नाटिकेसाठी रुपेश चव्हाण यांना सवरेत्कृष्ट लेखनाच्या पारितोषिकाने सन्मानित करण्यात आले. ‘प्रेक्षक पसंती’ या गटात ‘सूर्य शक्तीचा विजय असो’ नाटिकेने बाजी मारली. अंतिम फेरीसाठी प्रा. मीना गुर्जर, मंजिरी शेंडे आणि प्रसाद ठोसर यांनी काम पाहिले.
