तळोजा औद्योगिक वसाहतीमधील एन्थोनी अ‍ॅटो कंपनीमध्ये मंगळवारी दुपारी एक वेल्डर मजूर ट्रेलरच्या खालच्या बाजूस वेल्डींग करताना डिझेलच्या टाकीला लागलेल्या आगीमुळे झालेल्या स्फोटात जळून खाक झाला. ऋद्रेश गौड (वय २२) असे या मजूराचे नाव आहे. मुळचा उत्तर प्रदेशचा राहणारा ऋद्रेश गेल्या तीन वर्षांपासून एन्थोनी कंपनीत काम करत होता. तळोजा पोलीसांनी याप्रकरणी आकस्मात मृत्यूची नोंद केली आहे. कंपनीच्या आत ट्रेलरची दुरुस्ती करण्याआधी डिझेलची टाकी रिकामी केली, असती तर हा अपघात टळला असता.
