News Flash

पांडे लेआऊटमध्ये शनिवारी व रविवारी स्वामी विवेकानंद जयंती समारोह

ज्येष्ठ नागरिक मंडळ आणि विविध संघटनांच्या संयुक्त विद्यमाने पांडे लेआऊटमध्ये १२ व १३ जानेवारी रोजी स्वामी विवेकानंद जयंती समारोह आयोजित करण्यात आला असल्याची माहिती ज्येष्ठ

| January 11, 2013 02:19 am

ज्येष्ठ नागरिक मंडळ आणि विविध संघटनांच्या संयुक्त विद्यमाने पांडे लेआऊटमध्ये १२ व १३ जानेवारी रोजी स्वामी विवेकानंद जयंती समारोह आयोजित करण्यात आला असल्याची माहिती ज्येष्ठ नागरिक मंडळाचे अध्यक्ष प्रा. अशोक दळवी यांनी पत्रकार परिषदेत दिली.
शनिवारी १२ तारखेला सकाळी साडेसात वाजता पांडे लेआऊटमधील हनुमान मंदिरापासून प्रभात फेरी निघेल. आबालवृद्धांसह तपोवन शाळेचे दोनशे विद्यार्थी त्यात सहभागी होतील. स्वामी विवेकानंद, रामकृष्ण परमहंस, आद्य शंकराचार्य, माँ शारदा देवी या चार व्यक्तिरेखा त्यात राहतील. लेझीम पथक राहील. महापौर अनिल सोले हिरवी झेंडी दाखवतील. नगरसेवक गिरीश देशमुख व पल्लवी श्यामकुळे याप्रसंगी उपस्थित राहतील.
रविवारी १३ जानेवारीला सायंकाळी सहा वाजता पांडे लेआऊटमधील सांस्कृतिक सभागृहात भारतीय शिक्षण मंडळाचे राष्ट्रीय पदाधिकारी मुकुल कानिटकर यांचे ‘आजचा भारत आणि स्वामी विवेकानंद यांचे विचार’ या विषयावर व्याख्यान होईल. नगरसेवक गिरीश देशमुख अध्यक्षस्थानी रहातील. दत्तात्रेय पाचखेडे, विजय उपासनी, किरण देशपांडे, बाबा भुताड पत्रकार परिषदेला उपस्थित
होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 11, 2013 2:19 am

Web Title: swami vivekanand jayanti utsav in pande layout on saturday and sunday
Next Stories
1 निर्भर्त्सना होऊनही महिलांवरील अत्याचारात वाढच
2 नागपुरात किमान तापमानाचा नीचांक
3 विज्ञान व तंत्रज्ञानासाठी संशोधनात्मक वृत्ती आवश्यक -डॉ. कृष्णमूर्ती
Just Now!
X