महाविद्यालयीन निवडणुका: लोकसभा-विधानसभेची रंगीत तालीम?

राजकीय हस्तक्षेप नसावा
खुल्या निवडणुकांच्या निमित्ताने राजकीय पक्षांचा महाविद्यालयातील हस्तक्षेप वाढतो. आचारसंहितेने किंवा ठराविक नियमावलीने तो जर टाळता येत असेल तर निवडणुकांना विरोध असण्याचे काहीच कारण नाही.
माधवी पेठे, प्राचार्य, डहाणूकर महाविद्यालय

निवडणुका हव्याच
विद्यार्थ्यांमधील नेतृत्त्वगुण विकसित करणाऱ्या व्यवस्थेला प्राचार्यानी विरोध करण्याचे काहीच कारण नाही. प्राचार्यपदाची जबाबदारी सांभाळतानाही नेतृत्त्वाची गरज असते. मग हे गुण विकसित करणाऱ्या महाविद्यालयीन निवडणुकांना प्राचार्याचा विरोध कशाला?
टी. ए. शिवारे, अध्यक्ष,
अशासकीय महाविद्यालयीन प्राचार्य संघटना

व्यक्तिमत्त्व विकास होईल!
सर्वसामान्य कुटुंबातील तरूणांना राजकारणाची कवाडे खुली करण्यासाठी महाविद्यालयीन निवडणुका हव्याच. त्यामुळे लोकशाही प्रक्रियेची माहिती विद्यार्थ्यांना होईलच. यात सहभागी होऊन त्यांचाही विकास होणार आहे. आपल्याकडे १८ वर्षांपुढील सर्वानाच मतदानाचा अधिकार आहे. लोकशाहीची हीच व्यवस्था महाविद्यालयात रूजली तर काय हरकत आहे?
नीलेश राऊत, प्रदेशाध्यक्ष,
राष्ट्रवादी विद्यार्थी काँग्रेस पक्ष

आचारसंहितमुळे हिंचाचार टळेल!
विद्यार्थ्यांमध्ये लोकशाही मुल्ये रूजविण्यासाठी महाविद्यालयात खुल्या निवडणुका होणे आवश्यक आहे. निवडणुकांमध्ये महाविद्यालयांमध्ये हिंसाचार होतो तर त्याला बंदी हा पर्याय असू शकत नाही. आचारसंहितेमुळे या गोष्टी टाळता येतील.
डॉ. भाऊसाहेब जिरपे, एसएफआय

राजकीय हस्तक्षेप होणारच!
* तरूणांमध्ये नेतृत्त्वगुण रूजविण्यासाठी निवडणुका हव्या. अर्थात त्यापासून राजकीय पक्ष लांब कसे राहू शकतील? सध्याच्या विद्यार्थी परिषदेच्या निवडणुकांमध्ये राजकीय हस्तक्षेप होत नाही का? मग तो खुल्या निवडणुकांमध्ये झाला तर त्याला आक्षेप कशाला?
प्रदीप सावंत, युवा सेना

निवडणुकीची आचारसंहिता
* प्रत्येक उमेदवाराला पाच हजार रुपये खर्चाची मर्यादा
* हा खर्च उमेदवाराने विद्यार्थ्यांकडून देणगी स्वरूपात जमा करावा
* छापील ऐवजी हाताने तयार केलेल्या पत्रकांचा वापर
* उमेदवाराला वर्गात ७५ टक्के हजेरी बंधनकारक
* निवडणूक देखरेख समितीचा वचक असावा
* वर्ग सुरू झाल्यानंतर सहा ते आठ आठवडय़ात निवडणूक घ्यावी
* अर्ज भरण्यापासून निकालापर्यंतची निवडणुकीची प्रक्रिया दहा दिवसात दिवसात पूर्ण करावी
* निवडणुकीच्या काळात राजकीय पक्षाच्या कार्यकर्त्यांना महाविद्यालयाच्या आवारात प्रवेशबंदी
* विद्यार्थ्यांच्या गटांनी कुठे बैठका घ्याव्या याचे नियम प्राचार्य ठरविणार