‘व्याख्याता’ पदासाठी घेण्यात येणाऱ्या महाराष्ट्र राज्य पात्रता परीक्षेसाठी (सेट) गेल्या परीक्षेच्या तुलनेत दुप्पट विद्यार्थ्यांनी नोंदणी केल्याचे विद्यापीठाच्या सेट विभागातील अधिकाऱ्यांनी सांगितले.
यावेळी १७ फेब्रुवारी २०१३ ला सेट घेण्यात येणार आहे. या परीक्षेचे ऑनलाईन अर्ज भरण्यासाठी ३१ डिसेंबपर्यंत मुदत देण्यात आली होती, तर ८ जानेवारी २०१३ पर्यंत अर्जाची छापील प्रत परीक्षा केंद्रावर जमा करण्यासाठी मुदत देण्यात आली होती. या परीक्षेसाठी एक लाखाहून अधिक विद्यार्थ्यांनी नोंदणी केली
आहे.
राज्यभरात १३ केंद्रांवर ही परीक्षा घेतली जाणार आहे. एक वर्षांनंतर सेट होत असल्यामुळे यावेळी विद्यार्थ्यांकडून परीक्षेला मोठा प्रतिसाद मिळाला आहे. शिवाय या वेळी प्रथमच नव्या
पॅटर्ननुसार सेट होणार आहे.
या वेळी नेट प्रमाणेच सेटचा तिसरा
पेपर वैकल्पिक असणार आहे.
त्यामुळे या परीक्षेबाबत विद्यार्थ्यांमध्ये
उत्सुकता आहे.