महाबळेश्वर फुलले!

दिवाळीच्या सुटीनिमित्त महाबळेश्वरचे गिरिशिखर पुन्हा एकदा पर्यटकांनी फुलले आहे. महाबळेश्वरचे विविध पॉइर्ट, वेण्णा लेक आणि बाजारपेठ पर्यटकांनी बहरले आहे. पर्यटकांची गर्दी वाढली असतानाच आणि त्यांच्याकडून जागोजागी विविध प्रकारचे टोल वसूल केले जात असतानाच त्यांच्यासाठी कुठल्याही प्रकारची व्यवस्था केली जात नसल्याची चीड पर्यटकांमधून व्यक्त होत आहे. वाहतूक कोंडी, वाहनतळांची गैरसोय आदींमुळे पर्यटक हैराण होत आहेत.