भूखंड बळकावू पाहणा-या सावकाराला अटक

सुमारे १३ वर्षांपूर्वी दिलेल्या ५० हजारच्या कर्जापोटी सांगलीतील दोन भूखंड बळकावू पाहणाऱ्या सावकाराविरुद्ध विश्रामबाग पोलीस ठाण्यात तक्रार दाखल असून गुरुवारी पोलिसांनी त्याला अटक केली.
भगवान मारुती खरात (वय ४५ ) यांनी दिलेल्या तक्रारीनुसार राजू बादशहा मुल्ला (वय ४५) या सावकारासह मुस्ताक मुल्ला, नालसाब मुल्ला या तिघांनी रामकृष्ण परमहंस हौसिंग सोसायटी आणि हनुमान नगर येथील दोन भूखंडावर येण्यास मूळ मालकाला मज्जाव केला. भगवान खरात यांचे अमोल व अजिंक्य हे दोन पुतणे प्लॉटवर गेले असता सावकाराने तुमच्या वडिलांनी ५० हजार रुपये कर्ज घेतले असून त्याबदल्यात हे दोन प्लॉट दिले आहेत. आज ताबा पाहिजे असेल तर आजच्या बाजारभावाने पसे मोजा अन्यथा बाहेर पडा असे सांगितले.
दरम्यान प्लॉटचे मूळ मालक तुकाराम मारुती खरात यांचा २६ जून २००० रोजी खून झाला होता. या खूनप्रकरणी सावकार राजू मुल्ला हा संशयित आरोपी होता. या खटल्यात त्याची निर्दोष मुक्तता झाली आहे. विश्रामबाग पोलिसांनी राजू मुल्ला याला अटक केली आहे.