ज्योती विद्यालयाचा क्रीडा महोत्सव

नाशिकचे पोलीस आयुक्त कुलवंतकुमार सरंगल यांच्या प्रमुख उपस्थितीत पिंपळगाव बहुला येथील ज्योती माध्यमिक विद्यालयात वार्षिक क्रीडा महोत्सव साजरा झाला. महोत्सवाचे उद्घाटन पोलीस आयुक्त कुलवंतकुमार सरंगल यांच्या हस्ते झाले. या वेळी शाळेचे मुख्याध्यापक एस. बी. शिरसाठ, संस्थेचे अध्यक्ष बी. एस. जाजू आदी पदाधिकारी उपस्थित होते.या वेळी सरंगल यांनी विद्यार्थ्यांनी अभ्यासक्रमाबरोबरच क्रीडा क्षेत्रात नैतिक मूल्यांची जोपासना करावी, असे आवाहन केले. शालेय जीवनात यशाचे गमक साध्य करण्यासाठी वेळेचे काटेकोर नियोजन करावे, अशी सूचनाही त्यांनी केली. या वेळी मुख्याध्यापकांचा सरंगल यांच्या हस्ते सत्कार करण्यात आला. सूत्रसंचालन रोहित गांगुर्डे यांनी केले.