संत्रा मार्केट येथील रामझुल्याचे बांधकाम पूर्ण होईपर्यंत तेथील वाहतूक बंद राहील, असे वाहतूक शाखेने म्हटले आहे. मेयो हॉस्पिटलकडून संत्रा मार्केट रेल्वे उड्डाणपुलावरून जयस्तंभकडे जाणारे तसेच कॉटन मार्केटकडून गार्डलाईनकडे जाणाऱ्या सर्व वाहनांना बाहतुकीस बंदी घालण्यात आली आहे. सेंट्रल अ‍ॅव्हेन्यूने जयस्तंभकडे जाणारी सर्व वाहने टेलिफोन एक्सचेंज चौकातून डावे वळण घेऊन गंगाबाई घाट चौक, जगनाडे चौक, ग्रेट नागरोड मार्गे धंतोली अंडरब्रीज, पंचशिल चौक मार्गे जातील. बर्डी ते शांतीनगर मार्गे कामठीकडे इतवारी दहीबाजार पुलावरून जाणाऱ्या स्टार बसेस, खासगी बसेस व अन्य जड वाहने पंचशील चौक, धंतोली अंडर ब्रिज, ग्रेट नागरोड, जगनाडे चौक, गंगाबाई घाट, टेलिफोन एक्सचेंज चौकातून उजवे वळण घेऊन कामठीकडे जातील.
