महाराष्ट्र शासनाच्या महाराष्ट्र मानसिक आरोग्य संस्था, पुणे येथे उपलब्ध असणाऱ्या विशेष पदव्युत्तर अभ्यासक्रमांमध्ये खालीलप्रमाणे प्रवेश उपलब्ध आहेत- एकवर्षीय पदव्युत्तर समोपदेश प्रमाणपत्र अभ्यासक्रम- आवश्यक शैक्षणिक पात्रता- अर्जदार विद्यार्थ्यांनी मानसशास्त्र विषयातील पदव्युत्तर पदवी उत्तीर्ण केलेली असावी. एकवर्षीय पदव्युत्तर मनो-सामाजिक पुनर्वसन व समोपदेशन प्रमाणपत्र अभ्यासक्रम- आवश्यक शैक्षणिक पात्रता- अर्जदार विद्यार्थ्यांनी समाजशास्त्र, मानसशास्त्र वा मानसशास्त्र यांसारख्या विषयातील पदव्युत्तर पदवी उत्तीर्ण केलेली असावी. उपलब्ध जागांची संख्या व तपशील- वरील दोन्ही अभ्यासक्रमांसाठी उपलब्ध जागांची संख्या प्रत्येकी १२ असून त्यापैकी ६ जागा सरकारी नियमांनुसार राखीव वर्गगटातील उमेदवारांसाठी राखीव आहेत. निवड पद्धती- अर्जदारांपैकी पात्रताधारक विद्यार्थ्यांना लेखी निवड परीक्षेसाठी बोलाविण्यात येईल. ही निवड परीक्षा ७ ऑगस्ट २०१७ रोजी सकाळी ११ वा. घेण्यात येईल. वरील लेखी निवड परीक्षेत यशस्वी ठरणाऱ्या विद्यार्थ्यांना ८ ऑगस्ट २०१७ रोजी सकाळी ११ वा. मुलाखतीसाठी बोलाविण्यात येऊन त्याआधारे त्यांना संबंधित अभ्यासक्रमात प्रवेश देण्यात येईल. विशेष सूचना- अभ्यासक्रमात प्रवेश घेणाऱ्या विद्यार्थ्यांनी त्यांच्या अभ्यासक्रमाचा एक वर्षांचा कालावधी पूर्ण केल्यावर ३ महिन्यांची संबंधित क्षेत्रातील उमेदवारी करणे आवश्यक राहील. अर्जासह पाठवायचे शुल्क- अर्जासह पाठवायचे शुल्क म्हणून अर्जदारांनी ते सर्वसाधारण गटातील असल्यास १५० रु. चा (राखीव वर्गगटातील उमेदवारांनी १०० रु.चा) डायरेक्टर, प्रोफेसर, महाराष्ट्र इन्स्टिटय़ूट ऑफ मेंटल हेल्थ, पुणे-१ यांच्या नावे असलेला व पुणे येथे देय असणारा डिमांड ड्राफ्ट पाठविणे आवश्यक आहे. अधिक माहिती व तपशिलासाठी संपर्क- अभ्यासक्रमांच्या संदर्भात अधिक माहिती व तपशिलासाठी प्रमुख वृत्तपत्रात प्रकाशित झालेली महाराष्ट्र आरोग्य संस्था पुणेची जाहिरात पहावी अथवा संस्थेच्या दूरध्वनी क्र. ०२०- २६१२२७३३१ वर संपर्क साधावा. अर्ज पाठविण्याचा पत्ता व शेवटची तारीख- विहित नमुन्यातील संपूर्णपणे भरलेले व आवश्यक कागदपत्र व डिमांड ड्राफ्टसह असणारे प्रवेश अर्ज संचालक, प्राध्यापक, महाराष्ट्र मानसिक आरोग्य संस्था, ससून सवरेपचार रुग्णालय, परिसर, पुणे- ४११००१ या पत्त्यावर २१ जुलै २०१७ पर्यंत पोहोचतील अशा बेताने पाठवावेत. राज्यातील समाजशास्त्र व मानसशास्त्र या विषयातील ज्या पदव्युत्तर पात्रताधारकांना त्याच विषयातील पदव्युत्तर पदविका प्राप्त करायची असेल त्यांनी या संधीचा जरूर फायदा घ्यावा.
