उत्तर प्रदेशातील मिर्झा तिला खेडय़ात पाच जणांनी एका सोळा वर्षांच्या मुलीवर सामूहिक बलात्कार केला. २५ ऑगस्टला एका कुटुंबातील मुलीवर बलात्कार झाला होता. त्याचा सूड घेण्यासाठी हे कृत्य करण्यात आल्याचा संशय व्यक्त करण्यात येत आहे. मुलीच्या तक्रारीनुसार गुलझार, शाहीद, गुड्डूस यांच्यासह पाच जणांवर प्राथमिक माहिती अहवाल दाखल करण्यात आला आहे, अशी माहिती गुन्हे विभागाचे पोलीस अधीक्षक राकेश जॉली यांनी पत्रकारांशी बोलताना दिली. बलात्काराची घटना सोमवारी घडली असून, आरोपींनी त्यांच्यावरील आरोप फेटाळले आहेत. मुलीच्या अल्पवयीन भावाने आम्हाला यात गुंतवले आहे, असा प्रत्यारोप त्यांनी केला आहे. सदर अल्पवयीन मुलीला तपासणीसाठी रुग्णालयात पाठवण्यात आले आहे. आरोपी कुटुंबातील मुलीचे अपहरण करण्यात आले होते आणि या मुलीच्या भावाने तिच्यावर बलात्कार केल्याची घटना २५ ऑगस्टला घडली होती.
