रणजी क्रिकेटपटू श्रीकांत मुंढे याने इंग्लंडमधील क्लब क्रिकेट स्पर्धेत भेदक गोलंदाजी करत एकाच डावात दहा विकेट्स घेण्याचा पराक्रम केला आहे. इंग्लंडमध्ये सुरू असलेल्या लिव्हरपूल अँड डिस्ट्रिक्ट प्रीमियर लीगमध्ये कॉल्विन बे क्लबकडून खेळताना श्रीकांत याने प्रतिस्पर्धी बर्कनहेड पार्कच्या संपूर्ण संघाला गारद केले. या स्पर्धेत एकाच डावात दहा विकेट्स घेणारा श्रीकांत हा पहिला गोलंदाज ठरला आहे. बर्कनहेड पार्क संघाने नाणेफेक जिंकून फलंदाजी स्विकारली होती. त्यांचा डाव १६८ धावांत संपुष्टात आला. मुंढेने २४.१ षटकांत ८५ धावांत दहा विकेट्स घेतल्या. श्रीकांतने मग नाबाद ४४ धावांची खेळी करून कॉल्विन बे संघाला मिळवून दिला. मुंढेने फलंदाजीतही चमक दाखवली. मुंढेच्या कॉल्विन बे संघाची ८ बाद १२६ अशी स्थिती झाली होती. त्यावेळी मुंढेने मैदानात टिच्चून फलंदाजी करत नाबाद ४४ धावांची खेळी साकारून विजयात महत्त्वाचा योगदान दिले.
